Í morgun lagði bandaríska leigufélagið ALC Isavia í Héraðsdómi Reykjaness. Héraðsdómur komst að þeirri niðurstöðu að ALC beri eingöngu að greiða þær skuldir sem hvíli á þotunni sjálfri en ekki allar skuldir WOW air við Isavia, að því er RÚV greinir frá. Félagið getur náð í þotuna strax því kæra til Landsréttar frestar ekki réttaráhrifum úrskurðar héraðsdóms, samkvæmt lögmanni ALC.
Deilan varðar kyrrsetningu vélar ALC, sem var hluti af flugflota WOW air. Í nýju beiðninni var þess krafist að ALC fái full umráð þotunnar, enda sé búið að greiða þau gjöld sem tengjast þotunni beint, að því er segir í tilkynningu frá ALC í maí.
[adspot]Málið hefur farið fram og aftur innan dómskerfisins og er þetta í þriðja sinn sem málið fer fyrir héraðsdóm. Héraðsdómur komst áður að þeirri niðurstöðu að félaginu bæri ekki að greiða allar skuldir WOW, einungis þær skuldir sem hvíldu á þotunni. Isavia skaut úrskurðinum til Landsréttar og í millitíðinni lagði ALC nýja beiðni sem héraðsdómur vísaði frá, að því er kemur fram í frétt RÚV.
[links] Með kyrrsetningunni vildi Isavia tryggja að hægt væri að fá greiðslur upp í tveggja milljarða skuldir WOW air á lendingargjöldum, sem söfnuðust upp í aðdraganda falls félagsins. Það hefur nú verið tekið til gjaldþrotaskipta, en Sveinn Andri Sveinsson hrl. og Þorsteinn Einarsson hrl. eru skiptastjórar bússins.
Íslenska ríkið er eigandi Isavia, sem rekur flugvellina í landinu, þar á meðal Keflavíkurflugvöll.
Fréttin hefur verið uppfærð
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir