Laun stjórnarmanna Hörpu tónlistarhúss voru hækkuð um 8 prósent á aðalfundi Hörpu 26. apríl. Stjórnarmenn fá 100 þúsund á mánuði eftir hækkunina, sem var upp á 7.500 krónur á mánuði, en stjórnarformaðurinn, Þórður Sverrisson, fær tvöfalda þóknun.
Þetta kemur fram í fundargerð frá fundinum.
Þórður Sverrisson, stjórnarformaður Hörpu, segir í skilaboðum til Kjarnans að laun stjórnarinnar hafi ekki hækkað síðan árið 2013, eða í fimm ár.
Kaup og kjör í Hörpu hafa verið í brennidepli undanfarin misseri, og þá einkum kjör forstjórans, Svanhildar Konráðsdóttur.
Tuttugu þjónustufulltrúar í Hörpu ákváðu að segja upp störfum í mótmælaskyni, eftir að það fréttist að laun forstjórans hefðu verið hækkuð. Á þeim tíma þurfti mikið átak til að laga reksturinn og voru launakjör þjónustufulltrúana þá lækkuð.
Svanhildur Konráðsdóttir forstjóri Hörpu óskaði eftir því á dögunum við formann stjórnar Hörpu að laun hennar yrðu lækkuð afturvirkt frá 1. janúar 2018 og yrðu til samræmis við úrskurð kjararáðs frá því snemma árs 2017.
Þórður stjórnarformaður, og Vilhjálmur Egilsson, stjórnarmaður Hörpu, hafa sagt að umræðan um launakjör Svanhildar, og 20 prósent launahækkun hennar, séu hálfgerðar falsfréttir. Laun hennar upp á 1,5 milljónir hafi verið álitin sanngjörn, miðað við sambærileg störf.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
menningarmál
Ingimar Eydal Davíðsson
Opin bréf til menningar- og viðskiptaráðherra
Eiríkur Rögnvaldsson
Óþörf enska í almannarými – við getum haft áhrif!
Ný tegund styrkja borin á borð fyrir íslenska kvikmyndagerðarmenn
UNESCO kallar eftir auknum stuðningi við listafólk
Ríkisstjórnin setur 450 milljónir króna í aðgerðir fyrir tónlist og sviðslistir
Athugasemdir