Hlutabréfasjóðir aflandskrónueigenda bættu við sig um 244 milljóna króna hlut í Símanum í vikunni. Eignastýringafyrirtæki umræddra sjóða, Eaton Vance, er meðal stærstu aflandskrónueigenda á Íslandi, en það er nú þegar orðið meðal stærstu eigenda Símans.
[adspot]
Sjóðirnir Global Macro Portfolio og Global Macro Absolute Return Advantage keyptu hvorir í sínu lagi eignarhluti í Símanum fyrir 131 og 112 milljónir í vikunni, samkvæmt heimildum Kjarnans.
[links]Sjóðirnir eru báðir í eigu bandaríska eignastýringafyrirtækisins Eaton Vance, en fyrirtækið sér um eignastýringu stórs hluta þeirra aflandskróna sem festust á Íslandi í kjölfar setningu gjaldeyrishaftanna.
Á undanförnum misserum hafa sjóðirnir verið umsvifamiklir á íslenskum hlutabréfamarkaði, en þeir eru nú orðnir meðal stærstu eigenda meirihluta skráðra félaga hjá Kauphöllinni. Stærstur er hlutur sjóðanna í Vís, en hann er 8,7%.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
aflandskrónueigendur
Eaton Vance bætir enn við sig í skráðum félögum
Athugasemdir