Umboðsmaður Alþingis hefur veitt Hönnu Birnu Kristjánsdóttur, fyrrum innanríkisráðherra, frest til að koma á framfæri frekari sjónarmiðum sínum vegna frumkvæðisathugunar sem umboðsmaður hefur unnið á samskiptum hennar og Stefáns Eiríkssonar, fyrrum lögreglustjóra á höfuðborgarsvæðinu.
Þetta kemur fram í tilkynningu á vef umboðsmanns sem birt var í morgun.
Ný ábending barst
Kjarninn greindi frá því í síðustu viku að umboðsmaður Alþingis sé búinn að ljúka athugun sinni á ábendingu sem barst í nóvember í tengslum við frumkvæðisathugun embættisins á samskiptum Hönnu Birnu Kristjánsdóttur, fráfarandi innanríkisráðherra, og Stefáns Eiríkssonar, fyrrverandi lögreglustjóra á höfuðborgarsvæðinu.
Þar segir að athugun umboðsmanns hafi falist í því að afla upplýsinga vegna ábendingarinnar og fá afstöðu Hönnu Birnu til þeirra. Síðustu daga hefur verið unnið úr þeim og að frágangi á niðurstöðu frumkvæðisathugunarinnar.Nú er hins vegar ljóst að birting hennar frestast þar til að Hanna Birna hefur komið sjónarmiðum sínum á framfæri. Það þarf hún að gera fyrir 8. janúar næstkomandi.
Niðurstaðan átti að koma í nóvember
Ekki hefur komið fram hvað felst í ábendingunni sem umboðsmanni Alþingis barst í nóvember. Í tilkynningu frá honum í lok nóvember kom hins vegar fram að hún tengist ekki samskiptum Gísla Freys Valdórssonar, þáverandi aðstoðarmanns innanríkisráðherra, og Sigríðar Bjarkar Guðjónsdóttur, þáverandi lögreglustjóra á Suðurnesjum, varðandi perónulegar upplýsingar um hælisleitandann Tony Omos sem Sigríður Björk sendi Gísla Frey í tölvupósti við upphaf lekamálsins. Því er ljóst að um nýjar upplýsingar var að ræða er varða aðkomu Hönnu Birnu að málinu.
Upphaflega hugðist umboðsmaður Alþingis birta niðurstöður sínar í lok nóvember, en dráttur varð á birtingu niðurstöðunnar eftir að umrædd ábending barst embættinu. Nú hefur sú birting frestast enn lengur.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Lekamálið
Bróðir ráðherrans sem skipaði Sigríði án auglýsingar fékk stöðu án auglýsingar
Hanna Birna valin í stjórn Jafnréttissjóðs Íslands
Umboðsmaður Alþingis: Borgarar verða að geta treyst því að stjórnmálamenn skipti sér ekki af lögreglurannsóknum
Ingibjörg Dögg Kjartansdóttir
Fórnarlömb feðraveldisins
„Fjölmiðlar hafa engan áhuga á sátt og samstöðu“
Athugasemdir