Sigríður Björk Guðjónsdóttir, fyrrverandi lögreglustjóri á Suðurnesjum skráði ekki í málaskrá lögreglunnar á Suðurnesjum að hún hefði miðlað skýrsludrögum um málefni Tony Omos til Gísla Freys Valdórssonar, fyrrverandi aðstoðarmanns innanríkisráðherra. Þá lét hún undir höfuð leggjast að uppfylla aðrar öryggiskröfur sam kveðið er á um í lögum um persónuvernd og meðferð persónuupplýsinga.
Í yfirlýsingu sem Sigríður sendi frá sér rétt í þessu, fyrir hönd embættis lögreglustjóra á höfuðborgarsvæðinu, segir hún: „Í niðurstöðu Persónuverndar kemur ekki fram að ég hafi gerst brotleg við lög þegar ég varð við ósk aðstoðarmanns Innanríkisráðherra um að senda honum skýrsludrög um málefni hælisleitanda þann 20. nóvember 2013.”
Þetta er villandi fullyrðing, því samkvæmt niðurstöðu Persónuverndar braut lögreglan á Suðurnesjum 11. og 12. grein persónuverndarlaga. „Framangreindan skort á skráningu hjá Lögreglunni á Suðurnesjum og innanríkisráðuneytinu telur Persónuvernd hafa farið í bága við 1. og 2. mgr. 11. gr. og 12. gr. laga nr. 77/2000,“ segir orðrétt í úrskurðinum. Er þetta ítrekað tvívegis auk þess sem fram kemur að aðrar öryggiskröfurnar sem kveðið er á um í lagaákvæðunum hafi ekki verið uppfylltar.
Þetta er villandi fullyrðing, því samkvæmt niðurstöðu Persónuverndar braut lögreglan á Suðurnesjum 11. og 12. grein persónuverndarlaga. „Framangreindan skort á skráningu hjá Lögreglunni á Suðurnesjum og innanríkisráðuneytinu telur Persónuvernd hafa farið í bága við 1. og 2. mgr. 11. gr. og 12. gr. laga nr. 77/2000,“ segir orðrétt í úrskurðinum. Er þetta ítrekað tvívegis auk þess sem fram kemur að aðrar öryggiskröfurnar sem kveðið er á um í lagaákvæðunum hafi ekki verið uppfylltar.
Sigríður Björk segir einnig í yfirlýsingu sinni að Persónuvernd hafi komist að þeirri „niðurstöðu að miðlun skýrsludraganna hafi ekki stuðst við viðhlítandi heimild þar sem hún var ekki á meðal gagna í því máli hælisleitandans sem til meðferðar var í ráðuneytinu. Það gat ég sem sendandi hvorki vitað né tryggt.” Samkvæmt þessu telur Sigríður Björk það ekki hafa verið á sinni ábyrgð sem lögreglustjóri að meta hvort viðhlítandi lagaheimild væru fyrir hendi áður en persónuupplýsingar voru sendar frá lögregluembættinu. Í úrskurðinum kemur þó fram að Lögreglan á Suðurnesjum hafi verið ábyrgðaraðili og átt að sjá til þess að skilyrði persónuverndarlaga væru uppfyllt.
Samkvæmt heimildum Stundarinnar upplýsti Sigríður Björk aldrei lögregluna á höfuðborgarsvæðinu um samskipti sín við Gísla þá mánuði sem rannsókn lekamálsins stóð yfir. Sigríður gegnir nú stöðu lögreglustjóra á höfuðborgarsvæðinu, en hún var skipuð í starfið án auglýsingar eftir að Stefán Eiríksson hætti sem lögreglustjóri í kjölfar ítrekaðra afskipta fyrrverandi innanríkisráðherra af rannsókn lekamálsins. Athugun Persónuverndar á samskiptum Sigríðar Bjarkar og Gísla Freys má rekja til fréttar sem DV birti þann 18. nóvember síðastliðinn. Þremur dögum eftir að sú frétt birtist sagði Hanna Birna af sér ráðherraembætti.
Kjósa
Hvernig finnst þér þessi grein? Skráðu þig inn til að kjósa.
Tengdar greinar
Lekamálið
Bróðir ráðherrans sem skipaði Sigríði án auglýsingar fékk stöðu án auglýsingar
Helmingur yfirstjórnenda lögreglu fékk stöðuna án auglýsingar. Einn þeirra er bróðir ráðherrans sem skipaði Sigríði í embætti lögreglustjóra án auglýsingar árið 2014 þegar Sigríður þagði um upplýsingar í lekamálinu sem rannsakendur hefðu viljað búa yfir.
Hanna Birna valin í stjórn Jafnréttissjóðs Íslands
Hanna Birna Kristjánsdóttir, fyrrverandi innanríkisráðherra, sagði af sér ráðherradómi og hætti í stjórnmálum eftir að hafa verið staðin að því að segja Alþingi margsinnis ósatt um mál er varðaði brot gegn einstæðri móður frá Nígeríu. Nú er hún einn af fulltrúum Alþingis í stjórn Jafnréttissjóðs Íslands.
Umboðsmaður Alþingis: Borgarar verða að geta treyst því að stjórnmálamenn skipti sér ekki af lögreglurannsóknum
„Ég tel nauðsynlegt sem umboðsmaður Alþingis að vera á varðbergi um að slík þróun verði ekki í íslenskri stjórnsýslu,“ segir umboðsmaður í umfjöllun sinni um háttsemi Hönnu Birnu Kristjánsdóttur í ársskýrslu fyrir 2015. Afskipti ráðherra af störfum lögreglunnar drógu dilk á eftir sér.
Ingibjörg Dögg Kjartansdóttir
Fórnarlömb feðraveldisins
Það er sorgleg nálgun á jafnréttisbaráttuna, sem er mannréttindabarátta og snýst um frelsi einstaklinga, sömu tækifæri fyrir alla og jafnan rétt, að konur megi vera jafn spilltar og karlar.
„Fjölmiðlar hafa engan áhuga á sátt og samstöðu“
Hanna Birna segir stjórnmálin ekki hafa gefið sér tækifæri til að rækta það góða í sjálfri sér. Karlar njóti mýkri meðferðar en konur. Samkvæmt heimildum Stundarinnar hefur Hanna Birna gagnrýnt flokkssystkini sín fyrir að hafa ekki veitt sér sama stuðning og Illugi fékk í hremmingum sínum.
Sigurbjörg Sigurgeirsdóttir
Er spilling á ábyrgð stjórnvalda eða almennings?
Sigurbjörg Sigurgeirsdóttir stjórnsýslufræðingur skrifar um spillingu á Íslandi og kenningar Gunnars Helga Kristinssonar um hana.
Athugasemdir