Þor­grímur Þrá­ins­son, sem hefur boðað fram­boð til emb­ættis for­seta Íslands, gagn­rýnir mæður fyrir að horfa ekki í augun á ung­börnum sem þær gefa á brjóst, heldur nota tím­ann á Facebook í stað­inn. Orð hans eru meðal ann­ars gagn­rýnd af rit­höf­und­inum Þórdísi Elvu Þor­valds­dóttur á þeim grund­velli að þau lýsi stjórn­semi karl­manns gagn­vart konum og að þau ýti undir órétt­mætt sam­visku­bit hjá nýbök­uðum mæðrum.

Móðirin á Facebook

Þor­grímur setti fram gagn­rýn­ina í þætt­inum Morg­un­út­gáf­unni á Rás 2: „Kona sem er í ung­barna­eft­ir­liti seg­ist vera að upp­lifa ákveðið til­finn­inga­rof milli móður og barns sem er á brjósti. Vegna þess að móð­irin er kannski að nota tím­ann á Facebook á sama tíma og hún er að gefa á brjóst.“

Þor­grímur útskýrði orð sín nánar í kjöl­far þess að útvarps­mað­ur­inn tók undir með honum með orð­unum „já, hugs­aðu þér“: „Já, þannig að þessi til­finn­inga­tengsl sem við þekkjum bara, að halda á barni í fang­inu, að vera ekki að horfa í augun á því sam­tímis, það rofnar eitt­hvað. Ég hef engar rann­sókn­ar­nið­ur­stöður á bak­við þetta, en þetta er mér sagt af mann­eskju sem er í ung­barna­eft­ir­liti.“

Sagður ráðskast með hvert konur horfa

Þórdís Elva Þor­valds­dóttir gagn­rýnir Þorgrím fyrir að fara yfir strikið með því að „ráðskast með hvert konur horfa á meðan þær sinna brjósta­gjöf“.

„Þar sem [Þor­grímur Þrá­ins­son] hefur ekki verið með barn á brjósti sjálfur þarf kannski að minna hann á að mörg börn eru með lokuð augun á meðan á þessu ferli stendur. Varla þurfum við vöku­staura á börnin til að tryggja „órofna teng­ingu“. Þá þurfa hvít­voð­ungar að fá brjóst á um það bil tveggja tíma fresti fyrsta skeið ævi sinnar. Mæðrum er inn­rætt að barnið eigi heimt­ingu á óskiptri athygli þeirra, bæði lík­am­lega og til­finn­inga­lega. Þetta er erfitt ferli sem útheimtir oft blóð, svita og tár allan sól­ar­hring­inn. Mæður þurfa allra síst á því að halda að vera guilt-tripp­aðar með svona hrút­skýr­ingum,“ skrifar Þórdís Elva í gagn­rýni sinni á Facebook.