„Við eigum að mæta þeim með hörðum stálhnefa“

Óli Björn Kárason, þing­maður Sjálf­stæð­is­flokks­ins, vill sýna mikla hörku gagn­vart ákveðnum, óskil­greindum hópi hæl­is­leit­enda, sem hann telur að leiti hingað til lands til að „mis­nota vel­ferð­ar­kerfið“. Hann telur að Íslend­ingar hafi „villst tölu­vert mikið af leið“ í mál­efnum útlend­inga. 

Þetta kom fram í við­tali Óla Björns á Útvarpi Sögu við Pétur Gunn­laugs­son. Eyjan greinir frá mál­inu í frétt í dag.

„Þegar kemur að útlend­inga­málum þá held ég að við höfum villst tölu­vert mikið af leið. Ég vil orða þetta þannig: Við eigum að opna faðm­inn mjúkan, gagn­vart því fólki sem þarf tíma­bundið eða jafn­vel til lang­frama að leita sér raun­veru­legs skjóls. En við eigum að mæta öllum þeim með hörðum stál­hnefa sem ætla að koma hingað til Íslands sem, í raun­inni ja eigum við að segja, mis­nota vel­ferð­ar­kerfið okkar,“ sagði Óli Björn í við­tal­inu.

Sigríður Á. Andersen, nýr dóms­mála­ráð­herra og ráð­herra útlend­inga­mála, hefur tekið í svip­aðan streng. „Við ætlum ekki að láta það átölu­laust ef menn ætla að mis­nota þá vel­vild sem við viljum sýna og ég held að öll þjóðin vilji sýna stríðs­hrjáðu fólki, ef menn vilja mis­nota hana með til­hæfu­lausum umsóknum um hæli,“ sagði Sigríður í sam­tali við RÚV.