Eftir hörð átök á mót­mæla­fundi íbúa í Selja­hverf­inu vegna fyr­ir­hug­aðs búsetu­úr­ræðis á vegum borg­ar­innar í Rangár­seli fyrir fatl­aða hefur Svein­björg Birna Svein­björns­dóttir, borg­ar­full­trúi Fram­sóknar og flug­vall­ar­vina, lagt fram fyr­ir­spurn um fíkni­efna­neyt­endur í hús­næði borg­ar­innar.

Púað á formann velferðarráðs

Á fund­inum, sem hald­inn var í Selja­kirkju á mið­viku­dags­kvöld, var púað á Björk Vil­helms­dóttur, borg­ar­full­trúa Sam­fylk­ing­ar­innar og for­manns vel­ferð­ar­ráðs borg­ar­innar. Um tvö hund­ruð íbúar sóttu fund­inn. Á fund­inum gagn­rýndi Björk sókn­ar­prest­inn fyrir að halda slíkan mót­mæla­fund í kirkj­unni, en hún vís­aði til þess verið væri að ala á for­dómum.