Stjórnarmenn HB Granda svara ekki: „Talaðu við Kristján Loftsson“

„Þetta var ákveðið á aðal­fundi og hefur ekk­ert verið rætt af stjórn­inni,“ segir Þórður Sverr­is­son stjórn­ar­maður hjá HB Granda í sam­tali við Stundina um það hvort hann ætli að þiggja 33,3 pró­senta launa­hækkun fyrir að sitja í stjórn fyr­ir­tæk­is­ins. Ákvörðun aðal­fundar um að hækka laun stjórn­ar­manna í miðjum kjara­deilum hefur verið harð­lega gagn­rýnd, meðal ann­ars af Sigmundi Davíð Gunn­laugs­syni for­sæt­is­ráð­herra. Þá hefur stjórn Eflingar- stétt­ar­fé­lags um HB Granda for­dæmt hana. 

„Ákvörð­unin lýsir bæði takt­leysi og sið­leysi gagn­vart fólk­inu á gólf­inu sem hefur byggt upp HB Granda með vinnu sinni og auk­inni fram­leiðslu ár eftir ár. Þetta er óboð­legt,“ segir meðal ann­ars í ályktun Eflingar. Rannveig Rist, for­stjóri Rio Tinto Alcan á Íslandi og aðal­maður í stjórn Samtaka atvinnu­lífs­ins, sendi í kjöl­farið frá sér til­kynn­ingu þar sem hún sagð­ist ekki ætla að þiggja launa­hækk­un­ina því hún sé ekki í takti við stöðu kjara­mála á Íslandi. Kristján Loftsson, stjórn­ar­for­maður HB Granda, seg­ist í Morg­un­blað­inu í dag virða ákvörðun Rann­veigar en hann ætli sjálfur að þiggja launa­hækk­un­ina.

Neituðu að svara

Stundin hafði sam­band við aðra stjórn­ar­menn HB Granda og spurði hvort þeir hyggð­ust þiggja launa­hækk­un­ina eða fara að for­dæmi Rann­veigar. Þórður var sá eini sem svar­aði fyr­ir­spurn blaða­manns. Aðspurður hvað honum finn­ist um ákvörðun um að afþakka launa­hækk­un­ina segir Þórður það vera ákvörðun Rann­veigar og ítrekar að stjórnin hafi enn ekki rætt nið­ur­stöðu aðal­fundar. Þórður seg­ist vissu­lega hafa myndað sér skoðun á mál­inu og þeim hörðu við­brögðum sem ákvörðun aðal­fundar hefur vakið, en vildi hins vegar ekki láta hafa neitt eftir sér í þeim efnum. 

„Ég hef ekk­ert um þetta mál að segja. Talaðu við Kristján Loftsson ef þú vilt fá eitt­hvað. Þú færð ekk­ert frá mér. Takk fyrir,“ sagði Halldór Teitsson stjórn­ar­maður hjá HB Granda í sím­tali við blaða­mann Stund­ar­innar áður en hann skellti á. Ekki gafst því ráð­rúm til þess að spyrja hann út í ákvörðun Rann­veigar um að þiggja ekki launa­hækk­un­ina

Ekki náð­ist í Hönnu Ásgeirs­dóttur, fimmta stjórn­ar­mann HB Granda, við vinnslu frétt­ar­innar þrátt fyrir ítrek­aðar til­raunir. Stundin hringdi á vinnu­stað Hönnu, Embætti land­læknis, en Hanna neit­aði að taka sím­tali blaða­manns.