Oddný G. Harð­ar­dóttir, for­maður Sam­fylk­ing­ar­innar, segir að skrif­stofa flokks­ins hafi kannað vand­lega hvort ásak­anir um óeðli­lega smölun nýbúa og lof­orð um rík­is­borg­ara­rétt í próf­kjörum Sam­fylk­ing­ar­innar ættu við rök að styðj­ast. Við þessa yfir­ferð hafi ekk­ert óeðli­legt komið í ljós. Þá hafi ekki verið talin þörf á að kalla saman svo­kall­aða sátta­nefnd flokks­ins vegna máls­ins. 

For­mað­ur­inn svarar ekki spurn­ingum Stund­ar­innar um fram­kvæmd athug­un­ar­innar, en sam­kvæmt upp­lýs­ingum blaðs­ins var ekki haft sam­band við þá aðila sem greindu frá smöl­un­inni eða sögð­ust búa yfir upp­lýs­ingum um að nýbúar hefðu verið blekktir í próf­kjöri Sam­fylk­ing­ar­innar fyrir fjórum árum. 

Bað nýbúa um atkvæði Össur Skarp­héð­ins­son not­aði ráð­herra­net­fangið sitt þegar hann bað nýbúa um að kjósa sig í próf­kjöri árið 2012.

Mynd: Pressphotos.biz

Eins og Stundin og Kvenna­blaðið greindu frá í byrjun sept­em­ber hafði Össur Skarp­héð­ins­son sam­band við nýbúa í gegnum ráð­herra­net­fang sitt árið 2012 og bað þá um að kjósa sig í próf­kjör­inu í Reykja­vík. Haft hefur verið eftir Össuri að ráð­herra­net­fangið hafi verið það eina sem hann hafði aðgang að á þessum tíma, en ekki hefur komið fram hvers vegna hann hafði ekki aðgang að alþing­is­net­fangi sínu eða var ófær um að stofna nýtt tölvu­póst­fang. Oddný Harð­ar­dóttir seg­ist þó taka skýr­ingar Össurar gildar.

Í svari við fyr­ir­spurn Stund­ar­innar um málið segir hún: „Um notkun fyrr­ver­andi utan­rík­is­ráð­herra á tölvu­póst­fangi fyrir fjórum árum, hefur hann gefið þær skýr­ingar að hann hafi ekki haft yfir öðru net­fangi að ráða á þeim tíma. Um leið og þær skýr­ingar eru teknar gildar, verður brýnt fyrir þeim sem taka að sér trún­að­ar­störf á vegum Sam­fylk­ing­ar­innar að gæta þess að skilja á milli einka­notk­unar á tölvu­pósti og opin­berrar notk­unar.“