Tvö af fyrirtækjum Kaupfélags Skagfirðinga munu fá 70 prósent afslátt af heitu vatni í sveitarfélaginu. Þetta er afleiðing af ákvörðun sveitarstjórnar Skagafjarðar sem tekin var í lok júní síðastliðinn og sem fjallað er um í fundargerð frá því 24. þess mánaðar. „Eins og staðan er í dag er eitt fyrirtæki sem nær umræddri notkun og er það Hólalax, fiskþurrkun FISK Seafood á Sauðárkróki mun væntanlega ná þessu magni,“ sagði Stefán Vagn Stefánsson, oddviti Framsóknarflokksins í Skagafirði, á fundi sveitarstjórnar sveitarfélagsins þar sem samþykkt var að veita stórnotendum á heitu vatni í Skagafirði 70 prósent afslátt af því. Einungis tveir stórnotendur - aðili sem notar meira en 100000 rúmmetra af heitu vatni á ári - eru í Skagafirði og eru bæði fyrirtækin í eigu Kaupfélags Skagfirðinga.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Ýttu á + við höfund, fréttamál eða greinaröð til að fylgja því og fá tölvupóst þegar eitthvað nýtt kemur, einn á dag í mesta lagi. Því sem þú fylgir stjórnarðu á Minni síðu.
Athugasemdir