Lög­reglan á höf­uð­borg­ar­svæð­inu hefur óskað eftir og fengið aðstoð erlendis frá við rann­sókn­ina á hvarfi Birnu Brjáns­dóttur. Þetta stað­festir Grímur Grímsson, yfir­lög­reglu­þjónn hjá lög­regl­unni á höf­uð­borg­ar­svæð­inu, en hann hefur yfir­um­sjón með rann­sókn­inni á hvarfi Birnu. Stundin greindi frá því í dag að lög­reglan rann­sakar nú málið sem saka­mál. Samkvæmt heim­ildum Stund­ar­innar hafa rann­sókn­ar­gögn úr bíla­leigu­bílnum verið send erlendis til grein­ingar.

Grímur seg­ist ekki geta stað­fest hvort um sé að ræða líf­sýni og þá ekki heldur hvort um sé að ræða gögn úr rauðum Kia Rio-bíla­leigu­bíl eða önnur sönn­un­ar­gögn sem lög­reglan hefur aflað á und­an­förnum dögum. „Við höfum fengið aðstoð erlendis frá við að greina gögn í víð­asta skiln­ingi þess orðs.“

Birna Brjáns­dóttir Hvarfið á Birnu Brjáns­dóttur er nú rann­sakað sem saka­mál og hafa tveir verið úrskurð­aðir í gæslu­varð­hald vegna máls­ins.

Mynd: Facebook / Lög­reglan

Þá segir Grímur að menn­irnir þrír séu allir Græn­lend­ingar og að ein­hverjir þeirra hafi komið áður til Íslands með þessum sama græn­lenska tog­ara, Polar Nanoq. Ekki liggur fyrir hver af þeim leigði rauðan Kia Rio hjá Bíla­leigu Akur­eyrar og þá segir lög­regla það ekki stað­fest að um sé að ræða sömu rauðu bif­reið og sést á örygg­is­mynda­vélum þar sem ekki hafi náðst að greina bíl­númer hennar.

Vísir full­yrti í hádeg­inu að gögn sem fund­ust við rann­sókn á rauðu Kia Rio-bif­reið­inni bendi til þess að mis­indis­verk hafi verið framið í bílnum. Grímur gat ekki stað­fest það í sam­tali við Vísi. Lög­reglan lagði hald á bíl­inn í Hlíða­smára í Kópavogi á þriðju­dag og herma heim­ildir að skip­verji á græn­lenska tog­ar­anum hafi verið með bíl­inn, sem er bíla­leigu­bíll frá Bíla­leigu Akur­eyrar, á leigu á laug­ar­dags­kvöld. 

Tveir skip­verjar á græn­lenska tog­ar­anum Polar Nanoq hafa nú verið úrskurð­aðir í tveggja vikna gæslu­varð­hald í Hér­aðs­dómi Reykja­ness vegna hvarfs Birnu Brjáns­dóttur, en hennar hefur verið leitað frá því á laug­ar­dag. Lög­reglan á höf­uð­borg­ar­svæð­inu fór fram á fjög­urra vikna gæslu­varð­hand á grund­velli rann­sókn­ar­hags­muna og verður úrskurður hér­aðs­dóms kærður til Hæsta­réttar. Menn­irnir neita báðir sök. 

Yfir­heyrslur hófust yfir þriðja mann­inum í morgun, þeim sem var hand­tek­inn í gær­kvöldi, en ekki liggur fyrir hvort óskað verði eftir gæslu­varð­haldi yfir honum. Sú ákvörðun þarf að liggja fyrir ein­hvern tím­ann á milli kl. 19 og 20 í kvöld.