Óvíst hvort íbúðin hafi verið mannlaus

Ásgeir Þór Ásgeirs­son, aðstoð­ar­yf­ir­lög­reglu­þjónn og stöðv­ar­stjóri Kópa­vogs­lög­reglu­stöðvar, segir ekki komið á hreint hvort íbúðin hafi verið mann­laust í gær. „Við höfum ekki fengið full­nægj­andi skýr­ingar á hvell­unum. Við erum enn þá að átta okkur á þessu mál. Til­kynn­ingum um hvell­inn hefur fjölgað fremur en fækkað frá því í gær. Við fengum tvær til­kynn­ingar strax og aðra fljót­lega. Við fáum fleiri til­kynn­ingar eftir því að leið á dag­inn og meira segja í morgun, fólk var að hringja og stað­festa að það hafði heyrt hvelli,“ segir Ásgeir. Hann segir það alveg ljóst að eig­andi íbúð­ar­innar hafi ekki verið í íbúð­inni. Hann hafi ekki verið færður í gæslu­varð­hald. „Það er alveg ljóst að mað­ur­inn sem á þessa íbúð, það er alveg á hreinu að hann var ekki á neinum tíma­punkti í þarna í gær,“ segir Ásgeir.

Íbúðin til rannsóknar

Ásgeir segir að umrædd íbúð hafi verið til rann­sóknar vegna skot­hvella þaðan fyrir nokkru.„Í gær fengum við heim­ild eig­and­ans, þó að hann væri fjar­ver­andi, til að fara inn og kanna íbúð­ina. Þar leggjum við hald á skot­vopn og skot­færi. Við vorum með til rann­sóknar mál þar sem við teljum að frá þess­ari íbúð hafi verið skotið fyrir ein­hverju síðan og það eru ummerki á vett­vangi að skot­vopni hafi verið beitt fyrir utan, það er alveg klárt,“ segir hann.

Skoða málið með opnum hug

Ásgeir segir raunar óvíst hvort skotið hafi verið að byssu í gær. „Þó að það hafi verið til­kynnt um hvell, þá heyra lög­reglu­menn á vett­vangi raun­veru­lega aldrei hvell. Þannig að við verðum líka að gera ráð fyrir því að það geti verið eitt­hvað annað. Það er ekk­ert úti­lokað, við erum að skoða þetta mál með veru­lega opnum huga hver ástæðan er fyrir þessum hvell. Miðað við allar þessar til­kynn­ingar, allt þetta fólk sem upp­lifir þetta hljóð og telur sig hafa heyrt skot­hvell. Við erum að reyna að finna út úr því hvað mögu­lega gæti hafa átt sér stað þarna. Við erum ekki komnir á enda­punkt þar, langt í frá,“ segir Ásgeir.