Heimildarmynd Huldu Rós Guðnadóttur, Keep Frozen, þar sem fylgst er með íslensku löndunargengi að störfum við Reykjavíkurhöfn, er nú til sýninga á kvikmyndahátíðinni í Varsjá. Hátíðin sem opnaði á föstudaginn er talin í röð bestu kvikmyndahátíða í heiminum eða svokallaðra A-hátíða ásamt Cannes og Feneyjarhátíðinni. Myndir eru valdar alls staðar að úr heiminum úr þúsundum mynda sem sendar eru inn. Hulda Rós vann myndina í samstarfi við Helgu Rakel Rafnsdóttur framleiðanda en þær unnu áður saman sem samleikstjórar heimildarmyndarinnar Kjötborg.

Á hátíðinni í ár eru fimmtán myndir sem keppa um bestu heimildarmyndina. Ein önnur mynd frá Norðurlöndum varð einnig fyrir valinu, mynd finnska leikstjórans Einari Paskkanen um föður sinn sem telur sig vera frá plánetunni Síríus. „Það er einstaklega ánægjulegt að vera að keppa þarna með Einari en við í Keep Frozen teyminu höfum fylgt Einari að í gegnum norrænu handritsþróunar leiðina og þekkjum myndina frá því áður en hún tók á sig endanlega mynd“, segir leikstjórinn Hulda Rós  um keppinaut sinn á hátíðinni.