Illugi hættir á þingi

Illugi Gunn­ars­son, mennta-og menn­inga­mála­ráð­herra og þing­maður Sjálf­stæð­is­flokks­ins, hyggst ekki gefa kost á sér til áfram­hald­andi setu á Alþingi í næstu kosn­ingum. Þetta til­kynnti hann á Facebook-síðu sinni í hádeg­inu, en hann er staddur á Ólymp­íu­leik­unum í Ríó í Brasilíu. Hann seg­ist standa á þeim tíma­mótum að annað hvort haldi hann áfram í stjórn­málum og geri þau að ævi­starfi, fái hann til þess stuðn­ing kjós­enda, eða snúi sér að öðrum verk­efnum. „Í ljósi þessa hef ég kom­ist að þeirri nið­ur­stöðu að um það bil 16 ára vera á sviði stjórn­mál­anna sé nægj­an­leg, a.m.k. að sinni og að skyn­sam­leg­ast og áhuga­verð­ast fyrir mig sé að leita nýrra áskor­anna á öðrum vett­vangi,“ skrifar hann. 

Illugi hefur verið mjög áber­andi í íslenskum stjórn­málum síð­ustu ár. Sem mennta­mála­ráð­herra stytti hann fram­halds­skóla­nám um eitt ár, skar niður alla kennslu fyrir stúd­ents­nem­endur eldri en 25 ára og þá á enn eftir að afgreiða umdeilt frum­varp hans um end­ur­skoðun á Lána­sjóði íslenskra náms­manna. Þá var Illugi tals­vert í fréttum á síð­asta ári vegna Orka Energy-máls­ins svo­kall­aða. 

Hér er yfir­lýs­ing Illuga í heild sinni:

Kæru vinir.

Eftir vand­lega yfir­legu hef ég ákveðið að ég muni ekki gefa kost á mér til setu á Alþingi í næstu kosn­ingum.

Allt frá því ég kom heim frá námi árið 2000 hafa stjórn­mál verið megin við­fangs­efni mitt og ég hef starfað sem aðstoð­ar­maður for­sæt­is­ráð­herra og utan­rík­is­rá­herra, gegnt þing­mennsku, verið þing­flokks­for­maður og nú síð­ast ráð­herra.

Þessi tími hefur verið sér­stakur í þjóð­ar­sög­unni, tími mik­illa átaka og stórra atburða sem marka munu íslenskt sam­fé­lag til fram­tíðar.

Ég er mjög þakk­látur fyrir það tæki­færi sem ég hef fengið til að taka virkan þátt í þjóð­fé­lags­um­ræð­unni og sér­stak­lega vil ég þakka öllum þeim sem hafa stutt mig með ráðum og dáð á und­an­förnum árum, bæði í próf­kjörum sem og í stjórn­mála­starf­inu almennt.

En mat mitt er að ég standi nú á þeim tíma­mótum að annað hvort haldi ég áfram í stjórn­málum og geri þau að ævi­starfi, fái ég til þess stuðn­ing kjós­enda, eða snúi mér að öðrum verk­efnum. Í ljósi þessa hef ég kom­ist að þeirri nið­ur­stöðu að um það bil 16 ára vera á sviði stjórn­mál­anna sé nægj­an­leg, a.m.k. að sinni og að skyn­sam­leg­ast og áhuga­verð­ast fyrir mig sé að leita nýrra áskor­anna á öðrum vett­vangi.

Ég mun kveðja stjórn­málin sáttur, en vissu­lega með nokkrum sökn­uði. Um leið hlakka ég til að takast á við ný verk­efni, hver sem þau kunna að verða.

Sent from my iPad