Í síð­ustu viki var birt á heima­síðu Land­læknis úttekt á gæðum og öryggi heima­þjón­ustu Sinnum ehf. Í skýrsl­unni er heima­þjón­ust­unni hrósað í meg­in­at­riðum. 

Þá ann­marka má þó sjá í fljótu bragði að engin úttekt var gerð á hús­næði fyr­ir­tæk­is­ins, hvorki á sjúkra­hót­el­inu í Ármúla sem hefur verið gagn­rýnt harð­lega, né hús­næð­is­ins í Holtsbúð. Þrátt fyrir að þessi hluti starf­semi Sinnum fari fyrst og fremst fram á heim­ilum sjúk­linga bjuggu fjórir aðilar til lengri eða skemmri tíma í hús­næð­inu í Holtsbúð árið 2014. Árið áður bjuggu enn fleiri í því hús­næði en þá rak Sinnum þar dval­ar­heim­ili fyrir aldr­aða. Áður hafði þar verið til húsa elli­heim­ili á vegum Garða­bæjar sem hafði fengið yfir sig gíf­ur­lega mikla gagn­rýni.

Stjórn­endur Sinnum hafa haft þó nokkur áhrif á vinnslu skýrsl­unnar og sést það meðal ann­ars af eft­ir­far­andi broti úr kafla um hús­næð­is­mál: „Ekki var gerð sér­stök úttekt á hús­næði þar sem þjón­ustan fer að mestu leyti fram á heim­ilum not­enda. Að mati stjórn­enda er ástand hús­næðis Sinnum gott.“