„Við erum komin til höf­uð­borg­ar­innar og á leið­inni á sam­bands­þingið,“ sagði Beatrix von Storch, einn leið­toga hægri öfga­flokks­ins Alt­ernative für Deutschland, AfD, þegar nið­ur­stöður úr sam­bands­þings­kosn­ingum í Berlín voru kunn­gjörðar fyrr í vik­unni. Georg Pazderski, leið­togi flokks­ins í Berlín, tal­aði um for­dæma­lausan árangur, það hefði aldrei gerst áður í Berlín að flokkur færi úr núlli og upp í tveggja stafa tölu.

AfD fékk 14,2 pró­sent atkvæða í kosn­ing­unum sem fram fóru síð­ast­lið­inn sunnu­dag, ein­ungis 3,4 pró­sentum minna en flokkur Angelu Merkel, kansl­ara Þýska­lands, Kristi­legir demókratar, CDU. Það er minnsta fylgi sem flokk­ur­inn hefur fengið í borg­inni frá lokum síð­ari heims­styrj­aldar. Nið­ur­staðan er áfall fyrir Merkel og þá stefnu sem hún hefur rekið í flótta­manna­málum en þennan mikla sigur AfD má að miklu leyti rekja til óánægju fólks í þeim mála­flokki. Nið­ur­staðan er ekki síður áfall fyrir marga Berlín­ar­búa sem tengja borg­ina sína frekar við umburð­ar­lyndi gagn­vart minni­hluta­hópum og almennt frjáls­ræði heldur en útlend­inga­andúð og þjóð­ern­is­hyggju.

Sós­í­alde­mókratar, SPD, flokkur borg­ar­stjóra Berlínar, Michael Mullers, er áfram stærsti flokk­ur­inn, með 21,6 pró­sent fylgi. Þar á eftir koma Kristi­legir demókratar með 17,6 pró­sent, þá vinstri flokk­ur­inn Linke með 15,6 pró­sent, síðan flokkur Græn­ingja með 15,2 pró­sent og loks AfD með 14,2 pró­sent. Þrátt fyrir að þessir flokkar hafi þegar gefið það út að þeir muni ekki vinna með AfD er ekki þar með sagt að flokk­ur­inn muni ekki hafa nein áhrif. Með full­trúa sína í borg­ar­kerf­inu gætu þeir meðal ann­ars haft bein áhrif á styrk­veit­ingar til verk­efna sem hafa með flótta­fólk að gera.