Útvarps­mað­ur­inn Heimir Karlsson fór fyrir hópi fólks árið 1998 sem ætl­aði að auðg­ast á sölu svo­kall­aðs töfra­úða, sem átti að ráða bót á höf­uð­verk, háls­bólgu, tann­pínu og hósta. DV sagði frá mál­inu á sínum tíma. Í sam­tali við Stundina í morgun seg­ist Heimir sjálfur hafa verið plat­aður af banda­rískum glæpa­mönnum til að vera í for­svari fyrir hóp­inn á sínum tíma. Segist hann hafa tapað bæði pen­ingum og æru sinni vegna máls­ins. 

Heimir var nefndur á nafn í umfjöllun Kast­ljóss í gær­kvöldi sem fjall­aði um hversu langt sölu­menn ganga í að selja sjúk­lingum óvið­ur­kenndan varn­ing. Guðjón Sig­urðs­son, for­maður MND félags­ins, sagði Heimi hafa eitt sinn haft sam­band við sig og haft milli­göngu fyrir einum slíkum sölu­manni.