Rík­is­sak­sókn­ari Banda­ríkj­anna og rík­is­stjóri New York vara við því að hat­urs­glæpir hafa auk­ist gríð­ar­lega und­an­farið ár, og hefur orðið spreng­ing síðan Donald Trump var kos­inn for­seti 8. nóv­em­ber síð­ast­lið­inn.

Banda­ríska alrík­is­lög­reglan gaf fyrir stuttu út skýrslu um hat­urs­glæpi fyrir árið 2015. Þar kom fram að aukn­ing hefur orðið í glæpum sem bein­ast gegn múslimum í land­inu, sem og ofbeldi sem bein­ist gegn fólki vegna kyn­þáttar, kyn­hneigðar og kynátt­unar. Rík­is­sak­sókn­ari Banda­ríkj­anna ávarp­aði þjóð­ina í nýlegu ávarpi þar sem hún sagði að þessi aukn­ing í hat­urs­glæpum ætti að vekja lands­menn til alvar­legrar íhug­unar.

Síðan Donald Trump var kosin for­seti, þann 8. nóv­em­ber síð­ast­lið­inn, hefur hins vegar orðið algjör spreng­ing í til­kynn­ingum á hat­urs­glæpum. Rík­is­stjóri New York ríkis, Andrew Cuomo, hefur nú heitið því að stofna sér­staka lög­reglu­sveit sem á að taka á þess­ari aukn­ingu, auk þess sem hann ætlar að stofn­setja sjóð svo ein­stak­lingar sem telji Trump-stjórn­ina brjóta á sér geti leitað réttar síns. „Sér­fræð­ingar munu rann­saka hvert ein­asta atvik og lög­sækja þá sem brjóta af sér eins langt og bók­stafur lag­anna nær,“ sagði rík­is­stjór­inn.

Atvik tengd kosningunum

Á fimm dögum í kjöl­far kosn­ing­anna skráði Southern Poverty Law Center, sam­tök sem berj­ast gegn for­dómum og fátækt, 437 til­felli hat­urs­glæpa. Á síðu sam­tak­anna má finna nokkrar lýs­ingar þar sem árásum og ógn­andi hegðun er lýst:

Múslimsk kona í Oregon fylki:

„Múslimsk kona sat í MAX lestinni til Beaverton einn eftirmiðdag þegar hópur af táningum umhringdi hana í horni vagnsins sem hún sat í og öskruðu framan í hana að hún væri hryðjuverkamaður, að nýji forsetinn okkar myndi flytja hana úr landi og að hún mætti ekki ganga með höfuðslæðu lengur. Þeir urðu sífellt árásagjarnari þar til ég og vinur minn fengum unglingana til þess að yfirgefa lestina. Þegar þau voru að fara reyndu þau að hrækja á konuna.“

Samkynhneigður maður í Norður-Karólínu:

„Ég og kærastinn minn vorum að rölta niður gangstéttina í Raleigh. Klukkan var 9:30 um kvöld og við leiddumst og vorum á leið á veitingastað til þess að fá okkur kvöldmat. Hvítur bíll keyrði fram hjá okkur og hvítur karlmaður sem var í aftursætinu hallaði sér út um gluggann og öskraði „Helvítis hommar!“ að okkur.“

Grunnskóli í Texas:

„13 ára hálf-Filippeysk dóttir mín var að bíða eftir strætó þegar drengur sem hún þekkti ekki gekk upp að henni. Hann spurði „Þú ert asískt, er það ekki? Þegar þeir sjá augun í þér þá verður þú flutt úr landi,“ sagði hann og gekk í burtu.“

Úr frétt frá Georgíu fylki:

„Kennari við Gwinnet County framhaldsskólann fann bréf sem hafði verið skilið eftir fyrir hana eftir tíma á föstudaginn þar sem henni var sagt að múslimskur höfuðklútur hennar „væri ekki leyfilegur lengur.“ Ennfremur stóð í bréfinu: „Afhverju bindur þú hann ekki utan um hálsinn á þér og hengir þig með honum...?“ Bréfið var undirritað „Ameríka!“

KKK styður Trump

Frægustu sam­tök kyn­þátta­hat­ara í banda­ríkj­unum, Ku Klux Klan, eða KKK, studdu Donald Trump opin­ber­lega í aðdrag­anda for­seta­kosn­ing­anna. Á for­síðu frétta­rits­ins „Kross­far­inn“ [e. The Crusader] sem sam­tökin gefa út fjórum sinnum á ári var slag­orði Trump, „Gerum Banda­ríkin stór­kost­leg aftur,“ slegið upp í fyr­ir­sögn og farið í ítar­legu máli ofan í það hvernig stefnu­mál Trumps og bar­áttu­mál KKK sam­ræmd­ust, en á vef­síðu sam­tak­anna segir að höf­uð­bar­áttu­mál þeirra sé að stöðva útrým­ingu hvíta kyn­stofns­ins.

Í kjöl­far kosn­ing­anna um veru Bret­lands í Evr­ópu­sam­band­inu átti sér stað álíka þróun. Eftir þær varð mæl­an­leg aukn­ing í tíðni árása á minni­hluta­hópa, múslima og sam­kyn­hneigða. Þeir stjórn­mála­menn sem börð­ust fyrir útgöngu breta voru ásak­aðir um að ýta undir for­dóma í bar­áttu sinni, og virð­ast þeir sem létu sann­fær­ast af þeirra mál­stað líta svo á að með kosn­ing­unni hafi þeir fengið stað­fest­ingu á skoð­unum sínum.

„Hættið þessu.“

Svipuð þróun virð­ist vera að eiga sér stað í Banda­ríkj­unum. Trump hefur sætt ámæli fyrir að ýta undir for­dóma, meðal ann­ars gagn­vart Mexíkóum og múslimum. Hann lagði meðal ann­ars til algjört bann við því að múslimar mættu koma til lands­ins og lagði til að settur yrði á fót gagna­grunnur þar sem öllum múslimum væri gert að skrá sig, svo hægt væri að fylgj­ast náið með þeim, auk þess sem hann hefur lofað því að byggja vegg við landa­mæri Mexíkó, til þess að koma í veg fyrir að ólög­legir inn­flytj­endur kom­ist til lands­ins.

Í nýlegu við­tali við frétta­skýr­ing­ar­þátt­inn 60 Minutes for­dæmdi Trump hins­vegar árásir á minni­hluta­hópa í kjöl­far kosn­ing­anna og ákall­aði hann stuðn­ings­menn sýna að láta af hegð­un­inni: „Ef það hjálpar til, þá skal ég segja þetta, og ég segi það beint í mynda­vél­arnar: Hættið þessu.“