Hannes vill banna blæjur

Hannes Hólm­steinn Giss­ur­ar­son, pró­fessor í stjórn­mála­fræði við Háskóla Íslands og einn þekkt­asti tals­maður íhalds­samrar frjáls­hyggju á Íslandi, vill að konum sé bannað að bera blæjur.

Frá þessu greinir hann á Facebook-síðu sinni. „Auðvitað á ekki að banna konum að bera blæjur, af því að þær séu trú­ar­tákn. Það á að banna þeim það, af því að menn eiga ekki að fá að dul­búa sig á almanna­færi, því að þá geta þeir kom­ist undan ábyrgð á verkum sínum,“ skrifar pró­fess­or­inn. 

Tilefni ummæl­anna er frétt Mbl.is um að Evr­ópu­dóm­stóll­inn telji að brotið hafi verið gegn reglu­gerð ESB um bann við mis­munun á grund­velli trú­ar­bragða þegar franskur hönn­un­ar­verk­fræð­ing­ur var rek­inn úr starfi fyr­ir að bera blæju að ís­lömsk­um sið.

Áður hefur Mann­rétt­inda­dóm­stóll Evrópu, sem heyrir undir Evr­ópu­ráðið, kom­ist að þeirri nið­ur­stöðu að búrku­bann í Frakk­landi feli ekki í sér brot gegn mann­rétt­inda­sátt­mál­anum. MDE taldi bannið rétt­læt­an­legt á grund­velli örygg­is­sjón­ar­miða; stefnt gæti öryggi almenn­ings í hættu að þekkja ekki almenni­lega ein­stak­linga sem hylja and­lit sitt á almanna­færi.

Hannes Hólm­steinn tekur fram að honum finn­ist eðli­legt að vinnu­veit­endur geti sett ákveðnar reglur um klæða­burð starfs­fólks, jafn­vel reglur sem úti­loki blæjur. „Raunar setja líka veit­inga­staðir fastar reglur um klæða­burð. Og kirkjur: í suð­rænum löndum mega menn ekki fara inn í kirkju í stutt­buxum og sand­ölum. Ég sé ekk­ert að slíkum reglum,“ skrifar hann.