Mynd: Pressphotos/Geirix
Afhjúpun

Víðtæk hagsmunatengsl formanna stjórnarflokkanna

Sig­mundur Davíð Gunn­laugs­son og Bjarni Bene­dikts­son tengj­ast skatta­skjólum og lág­skatta­svæðum bæði með beinum hætti og óbeinum. Gunn­laugur Sig­munds­son faðir Sig­mundar nýtti sér Tortóla­fé­lög í gegnum Lúx­em­borg til að taka út 354 millj­óna króna arð eftir hrun. Mik­il­væg­asta fjár­fest­ing­ar­fé­lag föð­ur­bróður Bjarna, Einars Sveins­sonar, var flutt frá Kýpur til Lúx­em­borgar með rúm­lega 800 millj­óna króna eignum. Hversu mörg önnur fyr­ir­tæki í skatta­skjólum og á lág­skatta­svæðum tengj­ast þessum for­mönnum Fram­sókn­ar­flokks og Sjálf­stæð­is­flokks?

Birtist upphaflega í Stundinni fyrir 11 árum.

Eign­ar­halds­fé­lag Gunn­laugs Sig­munds­sonar, föður Sig­mundar Davíðs Gunn­laugs­sonar, greiddi tæp­lega 354 millj­óna króna arð til hlut­hafa sinna árið 2009 þegar eign­ar­hald fyr­ir­tæk­is­ins var í gegnum þrjú fyr­ir­tæki í skatta­skjól­inu Tortólu. Fyr­ir­tæki Gunn­laugs í Lúx­em­borg, GSSG Holding S.A., hagn­að­ist um tæp­lega 187 millj­ónir króna árið 2009 og hafði hagn­ast um rúm­lega 80 millj­ónir króna árið á undan. Þetta kemur fram í árs­reikn­ingi félags­ins í Lúx­em­borg sem Stundin hefur undir höndum.

Fyr­ir­tæki Gunn­laugs í Lúx­em­borg er fjár­sterkt og átti þegar mest lét tæp­lega 600 millj­óna króna eignir árið 2009. Það hélt meðal ann­ars utan um hluta­bréf Gunn­laugs í fjár­fest­ing­ar­fé­lag­inu Teton ehf. á Íslandi sem hagn­að­ist um rúm­lega millj­arð króna á verð­bréfa­við­skiptum á Íslandi á hru­nár­inu 2008. Tæplega 354 millj­ónir króna runnu út úr félag­inu í Lúx­em­borg árið 2009 en þá voru stjórn­endur félags­ins fyr­ir­tækin þrjú á Tortólu, Birefi­eld Holdings Limited, Starbrook International Limited og Waverton Group Limited. 

Stór hluti eignanna í gegnum Tortólu

Þetta þýðir að stór hluti núver­andi og til­von­andi eigna Sig­mundar Davíðs Gunn­laugs­sonar er annað hvort vistaður í félögum á Tortólu eða hefur farið í gegnum félög á Tortólu.

Kjósa
0
Hvernig finnst þér þessi grein? Skráðu þig inn til að kjósa.
Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Panamaskjölin

Skýring

Hvernig pen­inga­slóð stjórn­enda Kaup­þings og maka þeirra liggur til Tortólu

Notkun eig­in­kvenna fyrr­ver­andi stjórn­enda Kaup­þings­banka á félögum á aflands­svæð­inu Kypur er enn eitt dæmið um það að þessir aðilar hafi not­ast við slík félög í við­skiptum sínum eftir efna­hags­hrunið 2008. Hreiðar Már Sig­urðs­son, fyrr­ver­andi for­stjóri Kaup­þings, og eig­in­konu hans tengd­ust til dæmis félögum í Panama­skjöl­unum og árið 2019 var sagt frá Tortóla­fé­lagi sem notað var til að halda utan um eignir á Íslandi sem tengd­ust þeim.

8 mín. lestur

Úttekt

Sæmarks­stjóri ákærður ásamt lög­manni fyrir stór­felld skatt­svik og pen­inga­þvætti

Sigurður Gísli Björns­son, sem í fjölda ára var einn umsvifa­mesti fisk­út­flytj­andi lands­ins, er sak­aður um að hafa stungið rúm­lega millj­arði króna undan sköttum og fært í gegnum falska reiknn­inga og aflands­fé­lög í eigin vasa. Hann er ákærður fyrir stó­felld brot á skatta­lögum, bók­halds­lögum og pen­inga­þvætti. Íslenskur lög­maður sem einnig er ákærður seg­ist sak­laus.
FréttirPanamaskjölin

Fengu fjöl­skyldu­mál­verk í hend­urnar eftir umfjöllun Stund­ar­innar

Skoskar mæðgur sem komu til Íslands í byrjun árs í leit að svörum við spurn­ingum sem leitað hafa á fjöl­skyldu þeirra eru þakk­látar Íslend­ingi sem sendi þeim mál­verk sem var í eigu ömmu þeirra og langömmu á Íslandi. Gunnar Eggert Guð­munds­son taldi rétt­ast að fjöl­skyldan fengi mál­verkið þar sem þau fengu lítið sem ekk­ert úr búi Áslaugar.

Myndband10 mín. lestur

Nýtt efni

Mest lesið undanfarið ár