Fulltrúi Framsóknar styður Marine Le Pen og skrifar um fjölgun erlendra barna í leikskólum Reykjavíkur

Trausti Harð­ar­son, vara­borg­ar­full­trúi Fram­sóknar og flug­vall­ar­vina, lýsir yfir stuðn­ingi við franska þjóð­ern­is­sinn­ann Marine Le Pen á Facebook í dag. Áður hefur hann vakið sér­staka athygli á fjölgun erlendra barna í leik­skólum Reykja­víkur.

Mynd: Af vef Reykja­vík­ur­borgar

Hann situr í íþrótta- og tóm­stunda­ráði Reykja­vík­ur­borgar fyrir hönd Fram­sóknar og flug­vall­ar­vina en flokk­ur­inn hefur ítrekað sætt gagn­rýni fyrir að ala á tor­tryggni gagn­vart múslimum og útlend­ingum. 

„Ég ætla að vona að Le Pen taki þetta og verði for­seti,“ skrifar Trausti í dag. Fjöl­miðla­mað­ur­inn Egill Helgason svarar um hæl og segir „maka­laust að sjá full­trúa í gam­al­grónum merkum stjórn­mála­flokki“ lýsa yfir stuðn­ingi við fram­bjóð­and­ann. Marine Le Pen, for­seta­fram­bjóð­andi Frönsku þjóð­fylk­ing­ar­innar, er þekkt fyrir bar­áttu sína fyrir strang­ari útlend­inga­lög­gjöf, þjóð­ern­is­hyggju, inni­lok­un­ar­stefnu og umburð­ar­leysi gagn­vart múslimum og fleiri minni­hluta­hópum. „Fram­sókn­ar­flokk­ur­inn á betra skilið,“ skrifar Egill.

Trausta er fjölgun erlendra leik­skóla­barna hug­leikin, en í mars birti hann eft­ir­far­andi færslu á Facebook: „Í Reykja­vík eru 2 leik­skólar sem hafa 75% börn af erlendum upp­runa í skól­unum, 4 leika­kólar með 50% börn af erlendum upp­runa í skól­unum en allir aðrir leiks­skólar hafa flestir um 25% börn af erlendum upp­runa í leik­skól­unum. Þetta eru tölur síð­asta skóla­vetrar en fjölgun hefur verið mikil. Þetta þykir mér merki­legt.“