„Framsóknarmenn gerðu risastór mistök í dag“

Vigdís Hauks­dóttir, þing­kona Fram­sókn­ar­flokks­ins og for­maður fjár­laga­nefndar Alþingis, segir að litla gula hænan lifi enn góðu lífi. Þetta mynd­mál er að finna í Facebook-færslu sem hún birti í kvöld en þar gerir hún for­manns­kjörið á flokks­þingi Fram­sókn­ar­flokks­ins að umtals­efni. Eins og Stundin greindi frá í dag bar Sigurður Ingi Jóhanns­son for­sæt­is­ráð­herra sig­ur­orð af Sigmundi Davíð Gunn­laugs­syni, for­manni flokks­ins til sjö ára.

„Fram­sókn­ar­menn gerðu risa­stór mis­tök í dag á flokks­þing­inu. Það hefur aldrei reynst vel að skreyta sig með stolnum fjöðrum. Litla gula hænan lifir góðu lífi - því miður,“ skrifar Vigdís.

Lík­inga­málið hefur vakið tals­verða athygli á sam­fé­lags­miðlum. Sem kunn­ugt er fjallar umrædd dæmi­saga um litla gula hænu sem biður önnur dýr um hjálp við upp­skeru, þresk­ingu, mölun og bakstur án árang­urs. Dýrin reyn­ast hins vegar viljug til að borða það sem hænan bakar, en hún neitar þeim rétti­lega um það. 

Vigdís Hauks­dóttir tekur undir lof­gjörð Guðfinnu Jóhönnu Guð­munds­dóttur, borg­ar­full­trúa Fram­sóknar og flug­vall­ar­vina, um Sigmund Davíð.

„Mikið rosa­lega er dap­urt að sjá hvernig fólkið sem virð­ist lifa fyrir það eitt að skíta aðra út til að reyna upp­hefja sig sjálft ræðst á þann ein­stak­ling sem barð­ist fyrir þjóð­ina gegn Icesave, kom skulda­leið­rétt­ing­unni í gegn fyrir heim­ilin í land­inu og tók slag­inn við kröfu­hafa föllnu bank­anna og hafði þannig betur gegn fjár­mála­öfl­unum,“ skrifar Guðfinna og bætir við: „Barátta hans, kjarkur og þor skil­aði nokkur hund­ruð millj­örðum í rík­is­kass­ann og því er nú hægt að bæta kjör fólks­ins í land­inu og m.a. byggja nýjan spít­ala. Kjör fólks­ins í land­inu verða nefni­lega ekki bætt með umræðu­stjór­unum á feis­búkk.“