Fékk skýrsluna eftir tveggja ára ströggl

Pistla­höf­und­ur­inn Eva Hauks­dóttir tók virkan þátt í bús­á­halda­bylt­ing­unni á sínum tíma og var marg­sinnis nafn­greind í skýrslu Geirs Jóns Þór­is­sonar um mót­mælin. Eftir tveggja ára bar­áttu fyrir því að fá skýrsl­una afhenta tókst henni loks ætl­un­ar­verk sitt. Þá klúðr­aði hins vegar lög­reglan afhend­ing­unni með eft­ir­minni­legum hætti.

Árið 2012 óskaði Eva eftir afriti af plagg­inu á grund­velli upp­lýs­inga­laga en fékk ekki. Í kjöl­farið kærði hún ákvörðun lög­reglu­stjór­ans á höf­uð­borg­ar­svæð­inu til úrskurð­ar­nefndar um upp­lýs­inga­mál, sem komst að þeirri nið­ur­stöðu sum­arið 2013 að Eva ætti rétt á að fá að sjá hluta skýrsl­unnar, meðal ann­ars umfjöllun um hana sjálfa, svo lengi sem nöfn ann­arra í skýrsl­unni væru afmáð. Eva sendi þá umboðs­manni Alþingis kvörtun sem varð til þess að úrskurð­ar­nefndin féllst á end­ur­upp­töku máls­ins. Þann 8. októ­ber 2014 mælti nefndin fyrir um að Eva skyldi fá aðgang að skýrsl­unni í heild án per­sónu­upp­lýs­inga.