Í  kæru mót­mæl­enda á hendur lög­reglu vegna ólög­legrar skrán­ingar, úrvinnslu og miðl­unar per­sónu­upp­lýs­inga í skýrslu um Bús­á­halda­bylt­ing­una og önnur mót­mæli á tíma­bil­inu 2008 til 2011 er fundið að því að Geir Jón Þórisson, skýrslu­höf­undur og fyrr­ver­andi yfir­lög­reglu­þjónn, hafi fjallað um mál­efni ein­stakra mót­mæl­enda í fyr­ir­lestri sem hann hélt í stjórn­mála­skóla Sjálf­stæð­is­flokks­ins. Umræddur fyr­ir­lestur var hald­inn í Valhöll, húsa­kynnum Sjálf­stæð­is­flokks­ins, þann 16. októ­ber 2012 undir yfir­skrift­inni „Aðförin að Alþingi – mót­mælin við Aust­ur­völl“. Skömmu eftir að Geir Jón hélt erindið gaf hann kost á sér í 5. til 6. sæti í próf­kjöri Sjálf­stæð­is­flokks­ins í Suð­ur­kjör­dæmi og í dag er hann vara­þing­maður flokks­ins.

Eins og fram kemur í nýjasta tölu­blaði Stund­ar­innar hefur rík­is­sak­sókn­ari vísað kæru mót­mæl­enda frá. Í nið­ur­fell­ing­ar­bréf­inu er því hafnað að Geir Jón hafi gerst sekur um óvar­lega með­ferð á per­sónu­upp­lýs­ingum eða brot á þagn­ar­skyldu þegar hann fund­aði með sjálf­stæð­is­mönnum um mót­mælin. Upptöku af umræddum fundi má sjá hér að neðan:

Í kæru mót­mæl­end­anna var hnýtt í Geir Jón fyrir að hafa greint frá því á fyr­ir­lestr­inum að til­tek­inn mót­mæl­andi hefði verið hand­tek­inn fyrir að hafa ekki greitt vara­refs­ingu vegna fyrri brota. „Eru slíkar upp­lýs­ingar við­kvæmar í eðli sínu og með öllu órétt­læt­an­legt að skýrslu­höf­undur fjalli um þær á fundi stjórn­mála­flokks,“ segir í kærunni. 

Þá er vitnað til ummæla Geirs Jóns í fyr­ir­lestr­inum um að „ástæða þess að þeir ein­stak­lingar sem ákærðir voru fyrir árás á Alþingi hefðu verið sýkn­aðir hefði verið vegna umræðu í [sam­fé­lag­inu]“ og full­yrt að í slíkum full­yrð­ingum felist rangar sak­ar­giftir; refsi­verð hátt­semi sé borin upp á fólk þótt það hafi verið sýknað af dóm­stólum. 

Sak­sókn­arar í labbitúr Sigríður Frið­jóns­dóttir er rík­is­sak­sókn­ari og Helgi Magnús Gunn­ars­son er vara­rík­is­sak­sókn­ari. Hér ganga þau fram­hjá Aust­ur­velli þar sem reglu­lega var mót­mælt á árunum 2008 til 2011.

Mynd: Pressphotos.biz

Fyrirlestur „af almennum toga“

Í nið­ur­fell­ing­ar­bréfi rík­is­sak­sókn­ara er full­yrt að fyr­ir­lestur Geirs Jóns hafi verið af almennum toga. Ekki verði ráðið að skýrslu­höf­und­ur­inn hafi þar sér­stak­lega stuðst við skýrslu sína eða greint frá efni hennar. Fram kemur að umfjöllun skýrslu­höf­undar á fund­inum hafi varðað röð atvika sem voru áber­andi í fjöl­miðlum og almennri umræðu.