Þessi grein birtist upphaflega í Stundinni fyrir meira en 9 árum.

Ítrekaðar duldar auglýsingar hjá Stöð 2 og Bylgjunni

Rit­höf­und­ur og ferða­þjón­ustu­að­ili greina frá því að þeir hafi ekki feng­ið að koma í við­tal hjá Bylgj­unni vegna þess að þeir borg­uðu ekki fyr­ir það. Dul­in við­skipta­skila­boð eru ólög­leg. Fjöl­miðla­nefnd skoð­ar keypta um­fjöll­un Mjólk­ur­sam­söl­unn­ar hjá Ís­landi í dag.

Ítrekaðar duldar auglýsingar hjá Stöð 2 og Bylgjunni
Mannauðsstjóri og auglýsingastjóri á 365-miðlum Svanur Valgeirsson segir að fyrirtækið muni færa út kvíarnar í keyptri umfjöllun í sjónvarpi. Mynd: Samsett

Ólöglegt er að dulbúa auglýsingar sem óborgaðar umfjallanir, en engu að síður hafa Stöð 2 og Bylgjan birt seld viðtöl án þess að greina áhorfendum frá því að viðmælandinn hafi borgað fyrir að koma í þættina.
Svanur Valgeirsson, sem er bæði mannauðsstjóri og auglýsingastjóri á 365-miðlum, sem senda út Bylgjuna og Stöð 2, segir að fyrirtækið muni færa út kvíarnar í keyptri umfjöllun í sjónvarpi.

Ekki verður þó betur séð en kvíarnar séu komnar ansi langt út nú þegar á útvarpsstöðvum miðilsins, Stöð 2 og Fréttablaðinu hvað varðar duldar auglýsingar. 

Duldar auglýsingar, sem eru ólöglegar, eru skilgreindar svo í Fjölmiðlalögum: „Dulin viðskiptaboð eru kynning í máli eða myndum á vörum, þjónustu, heiti, vörumerki eða starfsemi aðila sem framleiðir vöru eða veitir þjónustu í dagskrárliðum þegar slík kynning er til þess ætluð af hálfu fjölmiðlaveitu að þjóna auglýsingamarkmiðum og gæti villt um fyrir neytendum að því er eðli hennar varðar.“

Eðli máls samkvæmt er oft erfitt að koma auga á duldar auglýs­ingar en hér verða þó rakin nokkur skýr dæmi. Annars vegar má nefna rithöfund og hins vegar eiganda ferðaskrifstofu sem fengu ekki að koma í útvarpið án þessa að borga fyrir. Auk þess má nefna mál, sem Stundin fjallaði um á dögunum, um umfjöllun Íslands í dag um auglýsingaherferð Mjólkursamsölunnar (MS) 28. maí síðastliðinn, sem var unnin gegn greiðslu MS til 365.
Svanur Valgeirsson, auglýsinga- og mannauðsstjóri 365, sagði þá að það hefðu verið mistök dagskrárgerðarmanna að taka ekki fram eða birta skjáborða sem gæfi til kynna að um auglýsingu væri að ræða. 
Þessi sömu mistök virðast þó hafa átt sér stað fáeinum dögum síðar í Bítinu á Bylgjunni en innslagið var nánasta endurtekið í útvarpsþættinum 1. júní. Á engum tímapunkti nefna dagskrárgerðarmenn Bítisins að um sé að ræða auglýsingu.

Athugasemd 6. júlí

 

Þessi frétt birtist í síðasta tölublaði Stundarinnar 2. júlí síðastliðinn. Í fréttatilkynningu frá Fjölmiðanefnd í dag kemur fram að ekkert verði gert í máli Ísland í dag og Mjólkursamsölunnar þar sem það hafi verið mistök hjá fyrirtækinu að merkja innslagið ekki sérstaklega sem auglýsingu. Ekki er litið til þess að þessi sömu mistök hafi átt sér stað í Bítinu nokkrum dögum eftir Ísland í dag innslagið.

„Nefndin hefur einnig sent 365 miðlum erindi vegna frétta af duldri auglýsingu í sjónvarpsþættinum Ísland í dag á Stöð 2 þann 28. maí sl. Fjallað var um málið í Kjarnanum 7. júní og Stundinni 11. júní sl., þar sem haft var eftir auglýsinga- og mannauðsstjóra 365 miðla að mistök hefðu átt sér stað við efnisvinnslu og hafi hið kostaða efni af þeim sökum ekki verið auðkennt sem slíkt.

Í erindi fjölmiðlanefndar til 365 miðla segir að nefndin geri að svo stöddu ekki frekari athugasemdir við þá duldu auglýsingu á Stöð 2, sem hér hefur verið vísað til, þar sem fram hafi komið að mistök við efnisvinnslu hafi átt sér stað hjá 365 miðlum. Um leið ítrekar fjölmiðlanefnd að lögum samkvæmt eru dulin viðskiptaboð bönnuð og að 365 miðlum, sem og öðrum fjölmiðlum, ber að aðgreina viðskiptaboð og ritstjórnarefni með skýrum hætti. Þá eru óheimil viðskiptaboð og fjarkaup fyrir tóbaksvörur, áfengi, lyfseðilsskyld lyf og happdrættis- og veðmálastarfsemi, sem ekki hefur leyfi hér á landi,“ segir í tilkynningu Fjölmiðlanefndar.

 

Þurfti að borga til að gefa

Margeir Ingólfsson, annar eigandi ferðaskrifstofunnar Ferðin, fullyrðir að sér hafi verið tjáð af Heimi Karlssyni, þáttastjórnanda í Bítinu, að hann þyrfti að borga til að koma í viðtal í þættinum. Margeir segir í samtali við Stundina að hann hafi haft samband við þáttastjórnendur í því markmikið að gefa hlustendum gjafabréf í ferðir hjá félaginu. 

„Ástæða þess að mér datt í hug að bjóða Bylgjunni þetta var að ég hafði í tvígang, nokkrum vikum áður, heyrt þá Bítismenn vera með fulltrúa frá Úrval Útsýn í viðtali hjá sér þar sem þeir kynntu sérstakar ferðir hjá Úrval Útsýn og gáfu síðan gjafabréf í lok viðtalsins,“ segir Margeir.

Margeir segir að eftir að hafa sent nokkra tölvupóst hafi hann fengið símhringingu frá Heimi. „Mér var þá kurteisislega bent á að það gengi ekki þannig fyrir sig að ég kæmi bara í viðtal með gjafabréf með mér, því að allt svona þurfi að borga þeim fyrir, enda eins og hann sagði: „Það þurfa allir salt í grautinn“. Mér var sagt að allt svona fari í gegnum auglýsingadeildina og ég ætti að hafa samband við þá ef ég vildi koma með gjafabréf fyrir áheyrendur Bylgjunnar. Þetta fór síðan ekki lengra þar sem mér datt ekki í hug að fara að borga Bylgjunni fyrir það að fá að gefa lesendum þeirra gjafabréf, án þess að það kæmi fram að stöðin rukkaði sérstaklega fyrir það. Mér fannst þetta svolítið „sjúkt“,“ segir Margeir.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.
Tengdar greinar

Duldar auglýsingar

Mest lesið

Grunaði að það ætti að reka hana
1
Viðtal

Grun­aði að það ætti að reka hana

Vig­dís Häsler var rek­in úr starfi fram­kvæmda­stjóra Bænda­sam­tak­anna eft­ir að nýr formað­ur tók þar við fyrr á ár­inu. Hún seg­ir kosn­inga­vél Fram­sókn­ar­flokks­ins hafa ver­ið gang­setta til að koma hon­um að. Vig­dís ræð­ir brottrekst­ur­inn og rasísk um­mæli sem formað­ur Fram­sókn­ar­flokks­ins hafði um hana. Orð­in hafi átt að smætta og brjóta hana nið­ur. Hún seg­ist aldrei munu líta Sig­urð Inga Jó­hanns­son sömu aug­um eft­ir það.
Fiskurinn sem fer um Belarús: „Ég mun ræða þetta“
4
Fréttir

Fisk­ur­inn sem fer um Bela­rús: „Ég mun ræða þetta“

Ferða­manna­laus­ir Þing­vell­ir í rign­ingu og roki voru vett­vang­ur einka­fund­ar Bjarna Bene­dikts­son­ar for­sæt­is­ráð­herra og Volodomír Selenski, for­seta Úkraínu, síð­deg­is á mánu­dag. „Við þurf­um raun­veru­leg­an stuðn­ing,“ sagði Selenskí á leið inn á fund­inn en virt­ist hissa þeg­ar hann var spurð­ur út í hvort út­flutn­ing­ur Ís­lend­inga á fiski til Rúss­lands í gegn­um bela­rúss­nesk­an milli­lið hefði bor­ið á góma.
Pólverjar æfir vegna ólígarkans okkar
5
FréttirÓlígarkinn okkar

Pól­verj­ar æf­ir vegna ólíg­ark­ans okk­ar

Áhrifa­mikl­ir pólsk­ir stjórn­mála­menn brugð­ust í vik­unni harka­lega við frétt­um af því að ólíg­arki frá Bela­rús, sem ít­rek­að hef­ur ver­ið reynt að beita við­skipta­þving­un­um, vegna tengsla hans við ein­ræð­is­stjórn­ina í Minsk, hefði kom­ið sér fyr­ir í Var­sjá. Um er að ræða ís­lenska kjör­ræð­is­mann­inn í Bela­rús, sem fer allra sinna ferða í skjóli vernd­ar sem sendi­full­trúi Bela­rús. Óá­sætt­an­legt er að hann sé full­trúi Ís­lands, seg­ir sér­fræð­ing­ur.

Mest lesið

Mest lesið í vikunni

Grunaði að það ætti að reka hana
1
Viðtal

Grun­aði að það ætti að reka hana

Vig­dís Häsler var rek­in úr starfi fram­kvæmda­stjóra Bænda­sam­tak­anna eft­ir að nýr formað­ur tók þar við fyrr á ár­inu. Hún seg­ir kosn­inga­vél Fram­sókn­ar­flokks­ins hafa ver­ið gang­setta til að koma hon­um að. Vig­dís ræð­ir brottrekst­ur­inn og rasísk um­mæli sem formað­ur Fram­sókn­ar­flokks­ins hafði um hana. Orð­in hafi átt að smætta og brjóta hana nið­ur. Hún seg­ist aldrei munu líta Sig­urð Inga Jó­hanns­son sömu aug­um eft­ir það.

Mest lesið í mánuðinum

Lögreglan á nýrri slóð: Fundu skilaboð Þorsteins
1
AfhjúpunSamherjaskjölin

Lög­regl­an á nýrri slóð: Fundu skila­boð Þor­steins

Tækni­mönn­um á veg­um hér­aðssak­sókn­ara tókst á dög­un­um að end­ur­heimta á ann­að þús­und smá­skila­boð sem fóru á milli Þor­steins Más Bald­vins­son­ar og Jó­hann­es­ar Stef­áns­son­ar, á með­an sá síð­ar­nefndi var við störf í Namib­íu. Skila­boð­in draga upp allt aðra mynd en for­stjór­inn og aðr­ir tals­menn fyr­ir­tæk­is­ins hafa reynt að mála síð­ustu fimm ár.
Missir húsið upp í skattaskuld fyrrverandi eiginmanns
6
Fréttir

Miss­ir hús­ið upp í skatta­skuld fyrr­ver­andi eig­in­manns

Fyrr­ver­andi eig­in­kona Sig­urð­ar Gísla Björns­son­ar í Sæ­marki sér fram á að missa fast­eign sína upp í skatta­skuld hans, eft­ir úr­skurð Hæsta­rétt­ar í síð­ustu viku. Hjóna­band­inu lauk fyr­ir rúm­um ára­tug og fjög­ur ár voru lið­in frá skiln­aði þeirra þeg­ar Sæ­marks-mál­ið, sem snýr að um­fangs­mikl­um skattsvik­um Sig­urð­ar, komst upp.

Mest lesið í mánuðinum

Nýtt efni

Mest lesið undanfarið ár