10 athafnir sem auka hamingju

Breskir vís­inda­menn hafa kom­ist að þeirri nið­ur­stöðu að lík­am­leg nánd og kyn­líf er það sem vekur helst með okkur vellíðan og ham­ingju. Ein­hverjir hefðu eflaust haldið að afslöppun, góð bók og leikur með börn­unum væri hin full­komna upp­skrift að ham­ingju­ríkum degi, en þessar athafnir kom­ast ekki einu sinni á topp tíu list­ann yfir það sem gerir okkur ham­ingju­söm. Garð­yrkja, úti­hlaup og tón­leikar eru, sam­kvæmt nið­ur­stöðum rann­sókn­ar­innar, lík­legri til að veita okkur ham­ingju. 

Tel­egraph fjall­aði um nið­ur­stöður rann­sókn­ar­innar í febr­úar síð­ast­liðnum en þær voru einnig birtar í virta tíma­rit­inu The Economic Journal fyrr á þessu ári. Rann­sóknin var gerð í sam­vinnu London School of Economics og Háskól­ans í Sussex. Yfir tutt­ugu þús­und manns voru beðnir um að ná sér í sér­stakt app sem minnti þátt­tak­endur nokkrum sinnum á dag á að skrá ham­ingju­stig sitt og hvað þeir voru að gera hverju sinni. Teymið vann síðan úr gögn­unum og mat hvaða athafnir væru lík­leg­astar til að auka ham­ingju. 

Hér er topp tíu listinn:

1Nánd, kyn­líf (14,20%)
 

2Leikhús, dans­sýn­ing, tón­leikar (9,29%)
 

3List­sýn­ing, safna­ferð, bóka­safn(8,77%)

4Íþróttir, hlaup, hreyf­ing (8,12%)

5Garð­yrkja (7,83%)

6Söngur, koma fram (6,95%)
 

7Samræður, félags­leg sam­skipti (6,38%)
 

8Fugla­skoðun, nátt­úru­skoðun (6,28%)

9Ganga, fjall­ganga (6,18%)

10 Veiðar, fisk­veiðar (5,82%)