Sjálf­stæð­is­flokk­ur­inn fékk 79 millj­ónum króna hærri rík­is­fram­lög í fyrra en árið á undan. Aldrei í sög­unni hefur stjórn­mála­flokkur fengið jafn háa upp­hæð frá rík­inu. Framlög sveit­ar­fé­laga, lög­að­ila og ein­stak­linga hækk­uðu einnig, en flokk­ur­inn tap­aði engu að síður 35 millj­ónum króna á árinu.

Samkvæmt árs­reikn­ingi flokks­ins sem Rík­is­end­ur­skoðun hefur birt námu rík­is­fram­lög til flokks­ins tæpri 181 milljón króna í fyrra, en þau voru tæpar 102 millj­ónir króna árið 2017. Má rekja þessa hækkun til ákvörð­unar í fjár­lögum vegna árs­ins 2018 sem allir stjórn­mála­flokkar nema Píratar og Flokkur fólks­ins studdu. Fjár­fram­lögin árið 2018 voru alls 648 millj­ónir króna, en voru 286 millj­ónir króna árið 2017. Var það hækkun upp á 127 pró­sent.

Ein­stak­lingar styrktu Sjálf­stæð­is­flokk­inn um 49 millj­ónir króna á árinu, hver og einn um 200 þús­und krónur eða minna. Lög­að­ilar styrktu flokk­inn um 22 millj­ónir króna. Hæstu upp­hæðir greiddu meðal ann­ars fyr­ir­tæki í sjáv­ar­út­vegi, lög­manns­stofur, bygg­ing­ar­fé­lög og stærri fyr­ir­tæki eins og Síminn, BL og Trygg­inga­mið­stöðin.

Námu tekjur flokks­ins alls tæpum 358 millj­ónum króna en gjöld 373 millj­ónum króna. Eigið fé flokks­ins stendur 338 millj­ónum króna, en skuldir hans nema 431 milljón. Tap flokks­ins án fjár­magnsliða var þannig aðeins 6 millj­ónir króna í fyrra, en að þeim með­töldum var tapið 35 millj­ónir.