Sprengi­hætta getur verið af kín­verskum brugg­tækjum sem hafa verið í notkun hjá tíu brugg­húsum víðs vegar um landið. Vinnu­eft­ir­litið hefur bannað notkun bún­að­ar­ins yfir ákveðnum þrýst­ingi en sjö af fyr­ir­tækj­unum hafa kært ákvörð­un­ina til vel­ferð­ar­ráðu­neyt­is­ins.

„Vinnu­eft­ir­litið lítur það alvar­legum augum þegar slíkur þrýsti­bún­aður er í notkun þegar ekki liggur fyrir með við­un­andi hætti að bún­að­ur­inn upp­fylli þær örygg­is­kröfur sem gerðar eru til þeirra lögum sam­kvæmt,“ segir í til­kynn­ingu frá Vinnu­eft­ir­lit­inu frá því í sumar. „Ef slíkur bún­aður upp­fyllir ekki þær örygg­is­kröfur sem gerðar eru til hans þá er sprengi­hætta af honum.“

Fram­leið­end­urnir sem um ræðir eru RVK Brewing Company, JG Bjór og Bastard Brew & Food í Reykja­vík, Ölverk í Hvera­gerði, Jón Ríki á Höfn, Smiðjan Brugghús í Vík, Brugg­húsið Draugr í Hval­firði, Dokkan brugg­hús á Ísafirði, The Brothers Brewery í Vest­manna­eyjum og Austra Brugghús á Egils­stöðum.

Samkvæmt upp­lýs­ingum frá Vinnu­eft­ir­lit­inu er ekki vitað hvort brugg­tækin eru enn í notkun …