Þegar horft er til allra árganga 2–17 ára er skráð þátt­taka í bólu­setn­ingum 95 pró­sent á Íslandi. Embætti land­læknis telur það hlut­fall full­nægj­andi til að hindra veru­lega útbreiðslu far­aldra sem hingað gætu borist.

Andstaða við bólu­setn­ingar er vax­andi vanda­mál á heims­vísu að mati Alþjóða­heil­brigð­is­mála­stofn­un­ar­innar (WHO). Bólu­setn­ing er skil­virkasta leiðin til að koma í veg fyrir útbreiðslu smit­sjúk­dóma og er hún talin koma í veg fyrir 2–3 millj­ónir dauðs­falla á heims­vísu. Telur stofn­unin að koma mætti í veg fyrir eina og hálfa milljón dauðs­falla til við­bótar með bættu aðgengi að bólu­setn­ingum.

Trú sumra á að bólu­setn­ingar geti valdið alvar­legu heilsutjóni hefur dregið úr vilja fólks til að nýta sér kost­inn. Telur WHO þá kenn­ingu vera eina af tíu stærstu ógnum við heil­brigði á alþjóða­vísu árið 2019. Sem dæmi hefur útbreiðsla misl­inga auk­ist um 30 pró­sent að und­an­förnu. Hafa sumar þjóðir, sem nán­ast höfðu upp­rætt sjúk­dóm­inn, horft upp á aukn­ingu til­fella.

Í …