Umræða um hátt hlutfall kvenna á örorkulífeyri hefur verið áberandi nú í byrjun árs og því hefur verið haldið fram að um fjórðungur kvenna á Íslandi sé á örorkulífeyri. 

„23% kvenna á Íslandi, næstum ein af hverjum fjórum, eru á öryrkjabótum eða öryrkjalífeyri,“ segir í hástöfum í Facebook-færslu Taxý Hönter.

Sama er upp á teningnum hjá Helga Bjarnasyni, öðrum þáttastjórnanda hlaðvarpsins Bjórkast. Í nýlegum þætti lýsir Arnar Þór Jónsson, gestur þáttarins, því hvernig búið sé að skapa kerfi sem er „helsjúkt af sósíalisma.“ Í því samhengi fullyrðir Helgi að á Íslandi séu 23 prósent kvenna öryrkjar og 13 prósent karla.

Báðir vísa í Róbert Bragason, sérfræðing hjá Samtökum skattgreiðenda, sem ræddi örorkulífeyri meðal annars í hlaðvarpinu Skattaspjallið í janúar en samtökin höfðu tekið umrædda tölfræði saman. „Á móti hverjum íslenskum karlkyns öryrkja eru tveir kvenkyns öryrkjar,“ segir Róbert í þættinum.

Heimildin fór yfir staðreyndir málsins og setti í samhengi …