Þessi grein birtist upphaflega í Stundinni fyrir meira en 5 árum.

Fréttir

Þórhildur Sunna: „Í hvaða veruleika búa þau eiginlega?“

Lögregla taldi ekki tilefni til að hefja rannsókn á meintri nauðgun þegar maður sagðist hafa sett lim í endaþarm sofandi 17 ára stúlku sem vildi ekki endaþarmsmök. Þingkona Pírata og formaður Laga- og mannréttindanefndar Evrópuráðsþingsins segir að afstaða ákæruvaldsins og málið allt valdi henni verulegum áhyggjum af stöðu kynferðisbrotamála í íslensku réttarvörslukerfi.

8. júlí 2019 · 11:43

Ritstjórn

ritstjorn@heimildin.is

Þórhildur Sunna Ævarsdóttir, þingmaður Pírata og formaður Laga- og mannréttindanefndar Evrópuráðsþingsins, segir að umfjöllun Stundarinnar um meinta nauðgun sem lögregla kaus að rannsaka ekki valdi henni verulegum áhyggjum af stöðu kynferðisbrotamála í íslensku réttarvörslukerfi. Málið sýni hve brýnt sé að koma á sjálfstæðu eftirliti með störfum lögreglunnar.

Í nýjasta tölublaði Stundarinnar er fjallað um að lögregla og ríkissaksóknari hafi ekki talið tilefni til að rannsaka hvort nauðgun ætti sér stað þegar maður setti lim sinn í endaþarm 17 ára stúlku meðan hún svaf. Maðurinn viðurkenndi verknaðinn í yfirheyrslu vegna annars máls og sagðist hafa vitað að stúlkan, þá kærasta hans, væri mótfallin endaþarmsmökum. Lögreglustjórinn á höfuðborgarsvæðinu hóf ekki rannsókn, meint brot var ekki skráð í málaskrá, stúlkunni ekki skipaður réttargæslumaður og hún ekki látin vita af framburði mannsins. Kvaðst maðurinn sjálfur hafa verið sofandi og taldi því lögregla að háttsemin gæti ekki talist nauðgun eða kynferðisbrot. Hefur nú ríkissaksóknari komist að sömu niðurstöðu en samkvæmt niðurstöðu embættisins frá 11. júní 2019 verður „ekki […] séð að sakborningurinn hafi með framangreindum framburði sínum verið að viðurkenna nauðgun eða lýsa ásetningsverki“.

Þórhildur Sunna fjallar um málið í færslu á Facebook.„Rannsóknarvaldið og ákæruvaldið skýlir sér á bak við það að maðurinn segist hafa verið sofandi á meðan hann nauðgaði konunni í endaþarm (í hvaða veruleika búa þau eiginlega?) til þess að hvítþvo viðbragðsleysi lögreglu eftir að maðurinn játar brotið í skýrslutöku hjá lögreglu vegna gruns um annað kynferðisbrot,“ skrifar hún.

„Það er svo margt í þessari grein sem vekur hjá mér ugg, veldur mér reiði og áhyggjum af stöðu kynferðisbrotamála í réttarvörslukerfinu. Áttum við ekki að vera komin lengra en þetta? Allt í góðu að nauðga stelpu á meðan það er "óvart" og vegna þess að "hann hætti um leið og hann vaknaði”?“

Þórhildur Sunna segir augljóst að koma verði á sjálfstæðu eftirliti með störfum lögreglu. „Þessi grein uppljóstrar um helsjúka meðvirkni réttarvörslukerfisins með starfsháttum lögreglu sem lýsir sér best í því að héraðssaksóknari bíður ekki einu sinni eftir skýringum lögreglu á því hvers vegna hún gerði ekkert með þessa játningu mannsins áður en hann vísar málinu frá. Lögreglan þarf semsagt ekkert að svara fyrir sína starfshætti, héraðssaksóknari sér bara um að finna upp afsakanir fyrir hana! Þetta eru starfshættir stofnunarinnar sem á að hafa eftirlit og aðhald með störfum lögreglu! Samtryggingin er víða.“

Kjósa

Hvernig finnst þér þessi grein? Skráðu þig inn til að kjósa.

Deila

Efnisorð

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Tengdar greinar

Barnaverndarmál

FréttirBarnaverndarmál

Börnin sem dóu á vöggustofunum

Níu mánaða drengur. Níu mánaða stúlka. Hálfs árs drengur. Árs gamall drengur. Annar árs gamall drengur. Stúlkubarn. Samkvæmt rannsókn á starfsemi vöggustofa Reykjavíkur létust sex börn á meðan þau voru vistuð þar.

SamantektBarnaverndarmál

Ekki mátti horfa í augun á börnunum

Ekkert knús. Engin leikföng. Börn í rúmum að rugga sér fram og til baka og slá höfðinu í rimlana. Starfsfólk í hvítum sloppum með börn í vöggum og grátandi foreldra handan glers. Hundruð barna sem dvöldu á vöggustofum Reykjavíkur sættu illri meðferð. Hér segja fyrrverandi starfsmenn frá reynslu sinni.

FréttirBarnaverndarmál

Barnaníðskæru dagaði uppi fyrir „mjög bagaleg mistök“

Alvarleg mistök lögreglunnar á höfuðborgarsvæðinu og óvenjuleg afskipti þáverandi forstjóra Barnaverndarstofu af Hafnarfjarðarmálinu urðu til þess að kæra barnaverndarnefndar vegna meintra kynferðisbrota fékk ekki lögmæta meðferð og lá óhreyfð í meira en tvö ár. „Lögregla beið eftir gögnum frá barnavernd sem aldrei komu,“ segir í bréfi sem lögregla sendi ríkissaksóknara vegna málsins.

FréttirBarnaverndarmál

Ósammála Mannréttindaskrifstofu Íslands og vill taka hana af fjárlögum

„Félagskapur sem telur rétt að engin viðurlög eigi að vera við vanrækslu foreldris gegn barni, sem felst í því að tálma umgengni við hitt foreldrið með ólögmætum hætti, getur ekki kennt sig við mannréttindi,“ skrifar Brynjar Níelsson, þingmaður Sjálfstæðisflokksins.

FréttirBarnaverndarmál

Barn talið óhult hjá föður þrátt fyrir sögu um barnaníð

Rannsókn á meintum kynferðisbrotum föður gegn barni var felld niður án læknisskoðunar og Barnahússviðtals, en í kjölfarið komu fram yfirlýsingar frá konum sem segja manninn hafa misnotað þær í æsku. Dómstólar telja að „það þjóni hagsmunum barnsins að það njóti meiri og samfelldari umgengni við föður“ og hafa úrskurðað um umgengni án eftirlits.

FréttirBarnaverndarmál

Sammála um enga ofbeldishættu þvert á mat Barnahúss

Dómsmálaráðuneytið vill að börn sem margsinnis hafa lýst kynferðislegri misnotkun af hálfu föður síns verði hvött til að umgangast hann. Sérfræðingur í klínískri barnasálfræði hjá Barnahúsi taldi ljóst að faðirinn hefði brotið gegn börnunum og barnageðlæknir hefur varað við umgengni.

Mest lesið

Viðskipti

Ráðuneyti keypti danska hönnunarsófa fyrir 5,9 milljónir

Háskóla-, nýsköpunar- og iðnaðarráðuneytið hefur undanfarna mánuði keypt húsgögn úr hönnunarverslun, sem þar til nýlega hét Norr11, að andvirði rúmlega tíu milljóna króna. Um er að ræða samsettan sófa, kaffiborð, borðstofuborð og fleiri húsgögn að andvirði 10,2 milljóna króna. Þar af er 1,3 milljóna króna sófi inni á skrifstofu ráðherra.

Fréttir

Rak 90 prósent starfsfólks fyrir að skrópa á morgunfund

Baldvin Oddsson, ungur íslenskur athafnamaður, rataði nýverið í fréttir í Bandaríkjunum fyrir að reka 99 starfsmenn úr sprotafyrirtæki sem hann stofnaði og rekur. Framkvæmdastjórinn mun hafa verið ósáttur við slaka mætingu á morgunfund, þar sem aðeins ellefu af 110 starfsmönnum melduðu sig, og tilkynnti þeim sem voru fjarverandi að þau væru rekin.

Fréttir

Ný ríkisstjórn efnir til kosninga um ESB

Samstarfssamningur Flokks fólksins, Viðreisnar og Samfylkingarinnar verður kynntur á morgun. Eitt af þeim málum sem verður sett á oddinn eru kosningar til ESB. Þetta herma upplýsingar Heimildarinnar.

Úttekt

Hvað gerðist í Suður-Mjódd?

Hvernig getur það komið kjörnum fulltrúum Reykjavíkurborgar á óvart að stærðarinnar atvinnuhúsnæði rísi næstum inni í stofu hjá íbúum í Breiðholti? Svarið liggur ekki í augum uppi, en Dóra Björt Guðjónsdóttir, formaður umhverfis- og skipulagsráðs borgarinnar, segir málið fremur frávik frá stefnu borgarstjórnarmeirihlutans um þétta blandaða byggð fremur en afleiðinga hennar.

Fréttir

Yrði yngsti forsætisráðherra í sögu lýðveldisins

Verði Kristrún Frostadóttir næsti forsætisráðherra þegar ný ríkisstjórn verður mynduð um helgina verður hún yngsta manneskjan til að gegna embættinu frá því að Ísland öðlaðist sjálfstæði.

PistillSnertilausar greiðslur í Strætó

Arnar Þór Ingólfsson

Loksins, eitthvað sem bara virkar

Blaðamaður Heimildarinnar tók Strætó í vinnuna í morgun og greiddi fyrir farmiðann á sekúndubroti með greiðslukorti í símanum. Í neytendagagnrýni á snertilausar greiðslur í Strætó segir að það sé hressandi tilbreyting að Strætó kynni til leiks nýjung sem virðist vera til mikill bóta fyrir notendur almenningssamgangna á höfuðborgarsvæðinu.

Mest lesið

Mest lesið í vikunni

Viðskipti

Ráðuneyti keypti danska hönnunarsófa fyrir 5,9 milljónir

ViðtalMóðursýkiskastið

Innsæi Karenar öskraði: „Það er eitthvað að“

Þegar Karen Ösp Friðriksdóttir lá sárkvalin á kvennadeild Landspítala árið 2019 var hún sökuð um verkjalyfjafíkn. Hún hafði þá verið verkjuð síðan hún var níu ára. Geðlæknir leiddi að því líkum að verkir hennar tengdust gervióléttu. Tveimur árum síðar fékk hún loks staðfestingu á því að hún væri með líkamlegan sjúkdóm. Hún vonar að heilbrigðiskerfið og samfélagið læri af hennar sögu.

VettvangurHjólhýsabyggðin

„Þetta er eins og að búa í einbýlishúsi“

Bergþóra Pálsdóttir, Bebba, hefur unun af því að fá gesti til sín í hjólhýsið og finnst þetta svolítið eins og að búa í einbýlishúsi. Barnabörnin koma líka í heimsókn en þau geta ekki farið út að leika sér í hjólhýsabyggðinni í Sævarhöfðanum: „Þau skilja ekki af hverju við vorum rekin úr Laugardalnum og sett á þennan ógeðslega stað.“

Flækjusagan

Ný rannsókn byltir uppruna Færeyinga og Íslendinga: Ekki eins skyldir og talið hefur verið

DNA-rannsóknir á jurta- og dýraleifum hafa þegar breytt myndinni af uppruna byggðar í Færeyjum. Þær virðast hafa byggst fyrst langt á undan Íslandi. En nú hefur rannsókn á uppruna Færeyinga líka breytt mynd okkar af uppruna færeysku þjóðarinnar og skyldleikanum við Íslendinga

Fréttir

Rak 90 prósent starfsfólks fyrir að skrópa á morgunfund

VettvangurHjólhýsabyggðin

„Ég kalla þetta svítuna“

Vilberg Guðmundsson hefur búið í húsbíl í níu ár. Hann og þáverandi konan hans ákváðu þá að selja íbúðina sína og keyptu húsbíl á Flórída. Þau skildu síðar og hann er að fóta sig á nýjan hátt. Vilberg er einn þeirra sem býr í hjólhýsabyggðinni við Sævarhöfða. „Ég skil ekki af hverju við máttum ekki vera áfram í Laugardalnum,“ segir hann.

Mest lesið í mánuðinum

VettvangurHjólhýsabyggðin

Við erum ekkert „trailer trash“

Lilja Karen varð ólétt eftir glasafrjóvgun þegar hún bjó á tjaldsvæðinu í Laugardalnum og á dögunum fagnaði dóttir hennar árs afmæli. Afmælisveislan var haldin í hjólhýsi litlu fjölskyldunnar á Sævarhöfða, þar sem þær mæðgur búa ásamt hinni mömmunni, Friðmeyju Helgu. „Okkar tilfinning er að það hafi verið leitað að ljótasta staðnum fyrir okkur,“ segir Friðmey, og á þar við svæðið sem Reykjavíkurborg fann fyrir hjólhýsabyggðina.

Viðskipti

Ráðuneyti keypti danska hönnunarsófa fyrir 5,9 milljónir

Á vettvangi

„Við mætum í vinnuna til þess að sigra“

Kona sem situr á biðstofu með fleira fólki er að greinast með heilaæxli og það þarf að tilkynna henni það. En það er enginn staður sem hægt er að fara með hana á, til að ræða við hana í næði. Í annan stað er rætt við aðstandendur frammi, fyrir framan sjálfsalann en þá fer neyðarbjallan af stað og hamagangurinn er mikill þegar starfsfólkið hleypur af stað. Í fjóra mánuði hefur blaðamaður verið á vettvangi bráðamóttökunnar á Landspítalanum og fylgst með starfinu þar.

Fréttir

Tilnefnd sem framúrskarandi ungur Íslendingur en verður send úr landi

Til stendur að hin sýrlenska Rima Charaf Eddine Nasr verði send úr landi. Hún var á dögunum ein af tíu sem tilnefnd voru til verðlaunanna Framúrskarandi ungur Íslendingur í ár. Tilnefninguna fékk hún fyrir sjálfboðaliðastörf sem hún hefur unnið með börnum. Hér á hún foreldra og systkini en einungis á að vísa Rimu og systur hennar úr landi.

Vísbending

Gylfi Magnússon

Verstu mistök Íslandssögunnar

Gylfi Magnússon, prófessor við viðskiptafræðideild HÍ, skrifar um verstu mistök Íslandssögunnar í nýjasta tölublaði Vísbendingar. „Íslendingar hafa auðvitað gert alls konar mistök sem þjóð og þurft að súpa seyðið af því.“ En hver eru þau verstu?

Vindorkumál

Ný ógn við haförninn rís á Íslandi

Hafernir falla blóðugir og vængjalausir til jarðar í vindorkuverum Noregs sem mörg hver voru reist í og við búsvæði þeirra og helstu flugleiðir. Hættan var þekkt áður en verin risu og nú súpa Norðmenn seyðið af því. Sagan gæti endurtekið sig á Íslandi því mörg þeirra fjörutíu vindorkuvera sem áformað er að reisa hér yrðu á slóðum hafarna. Þessara stórvöxnu ránfugla sem ómæld vinna hefur farið í að vernda í heila öld.