Birgir Þór­ar­ins­son, þing­maður Mið­flokks­ins, vill að sjón­ar­mið þeirra vís­inda­manna sem telja lofts­lags­breyt­ingar ekki vera af manna­völdum verði kennd í grunn- og fram­halds­skólum lands­ins.

Birgir ræddi um fréttir af því að umræðan um lofts­lags­mál væri að valda börnum áhyggjum í umræðum á Alþingi í dag. „Þá er svona spurn­ing hvort það sé kannski eðli­legt að það fari fram fræðsla um þessi mál og eflaust eru þessi mál rædd í grunn­skólum og fram­halds­skólum. En það er svona spurn­ing á hvaða for­sendum sú fræðsla er,“ sagði Birgir.

„Nú er það þannig að það er hægt að nálg­ast langan lista af vís­inda­mönnum sem telja til dæmis að þær lofts­lags­breyt­ingar sem við erum nú að upp­lifa séu af nátt­úru­legum orsökum,“ sagði Birgir. „Það er einnig hægt að nálg­ast langan lista af vís­inda­mönnum sem telja að það sé ekki hægt að segja nákvæm­lega fyrir um áhrif manns­ins á lofts­lags­breyt­ing­arnar. Og það er einnig hægt að nálg­ast langan lista af vís­inda­mönnum sem telja að það séu óþekktar ástæður að baki þessum lofts­lags­málum.“

Birgir nefndi könnun meðal barna sem hefði sýnt að þau hefðu áhyggjur af lofts­lags­breyt­ingum. „Það sem ég er ein­fald­lega að segja hér, herra for­seti, er að í þess­ari umræðu og þá sér­stak­lega innan skóla­stigs­ins þá sé nú kannski mik­il­vægt að allir þessir þættir séu skoð­aðir og öll rök skoðuð fyrir ástæðum þess að hér hefur hita­stig á jörð­inni hækkað og hækkað nokkuð hratt síð­ast­liðin þrjá­tíu ár.“