„Ég kom hingað til að leita að betri kjörum, ég átti vini hér sem að hvöttu mig til að koma hingað til lands. Það hefur hins vegar gengið upp og niður, svo ekki sé meira sagt,“ segir Tobiasz Grzempowski Tobiasz, sem er fæddur í Póllandi en hefur búið hér á landi í um níu mán­uði. Hingað kom hann þó frá Englandi.

„Ég hef sann­ar­lega fundið fyrir stétta­skipt­ing­unni og mis­skipt­ing­unni í íslensku sam­fé­lagi síðan ég kom hingað til lands. En það er líka mikil stétta­skipt­ing milli Íslend­inga og útlend­inga hér. Það á við um aðgang að atvinnu til að mynda, fyrir útlend­inga er mjög erfitt að fá vinnu sem hæfir menntun þeirra hér á landi og að sama skapi er erfitt að klifra upp met­orða­stig­ann í fyr­ir­tækjum. Hið sama á við um heil­brigð­is­þjón­ust­una og félags­þjón­ust­una, það er erf­ið­ara fyrir útlend­inga að kom­ast þar að. Miðað við þann fjölda útlend­inga sem …