Aldís Schram ekki með örorkumat

Aldís Schram, dóttir Jóns Baldvins Hanni­bals­sonar, birtir vott­orð frá Trygg­inga­stofnun rík­is­ins á Facebook síðu sinni í dag. Í því kemur fram að hún sé ekki með örorku­mat frá stofn­un­inni.

Sjö konur hafa stigið fram undir nafni og sakað Jón Baldvin um kyn­ferð­is­legra áreitni. Alls hafa 23 konur birt sögur sínar á vef­síðu og halda frá­sagnir áfram að ber­ast í sér­stökum MeToo hópi kvenn­anna á Facebook. Jón Baldvin hefur ítrekað sagt að sög­urnar eigi allar rætur að rekja til veik­inda dóttur sinnar. Hefur Aldís birt vott­orð sál­fræð­ings sem segir hana ekki sýna merki geð­hvarfa­sýki, en ein­kenni áfallastreitu. Birti hún sömu­leiðis vott­orð heim­il­is­læknis um að í við­tölum við hann hefðu ekki  komið fram ein­kenni geð­sjúk­dóma.

Aldís var sex sinnum nauð­ung­ar­vi­stuð á geð­deild Land­spít­al­ans. Hefur hún borið föður sinn þeim sökum að hafa farið fram á nauð­ung­ar­vistun í kjöl­far ásak­ana um kyn­ferð­is­lega áreitni og ofbeldi. Hann hefur hafnað því. Fjórar beiðnir um nauð­ung­ar­vistun bár­ust frá honum á meðan hann var erlendis að störfum sem sendi­herra. 

Jón Baldvin skrif­aði grein í Morg­un­blaðið í dag þar sem hann fjall­aði ítar­lega um meint veik­indi Aldísar og umfjöllun Sigmars Guð­munds­sonar á RÚV um hans mál. „Ef það er satt, sem Sigmar hefur eftir Aldísi í við­tal­inu, að hún sé rang­lega greind með geð­hvarfa­sýki, ber þá ekki Trygg­inga­stofnun rík­is­ins, sem að fengnu áliti sér­fræð­inga Land­spít­al­ans hefur skil­greint Aldísi sem „geð­fatl­aða“, að end­ur­skoða þá máls­með­ferð og þar með greiðslu örorku­bóta, sem byggðar eru á þessu mati?“

„Enn ein lygi Jóns Baldvins Hanni­bals­sonar hrakin,“ skrifar Aldís. „Jón Baldvin Hanni­bals­son ku skv. nýj­ustu fréttum halda því fram að ég sé á orörku­bótum - sem er sann­an­lega rang­hug­mynd hans meðf. skjali trygg­ing­ar­stofn­unar sam­kvæmt.“

Skjalið er dag­sett í dag, 7. febr­úar. „Það vott­ast hér með, að Aldís Schram [...] er ekki með örorku­mat frá Trygg­inga­stofnun rík­is­ins,“ segir í skjal­inu.