Jón Baldvin Hannibalsson skrifar heilsíðugrein í Morgunblaðið í dag þar sem hann segir ástæður þess að dóttir hans hafi sakað hann um kynferðisbrot vera þær að hún kenni honum um nauðungarvistanir á geðdeild. Þá spyr hann hvort endurskoða eigi örorkumat og greiðslur til hennar, fyrst hún sé ranglega greind með geðhvarfasýki.
Sjö konur hafa stigið fram undir nafni og sakað Jón Baldvin um kynferðislegra áreitni. Alls hafa 23 konur birt sögur sínar á vefsíðu og halda frásagnir áfram að berast í sérstökum MeToo hópi kvennanna á Facebook. Jón Baldvin hefur ítrekað sagt að sögurnar eigi allar rætur að rekja til veikinda dóttur sinnar.
Í grein með titlinum „Sannleikurinn er sagna bestur“ beinir Jón Baldvin spjótum sínum að viðtali Sigmars Guðmundssonar við Aldísi Schram, dóttur Jóns Baldvins, á RÚV 18. janúar. Fjórar beiðnir um nauðungarvistun bárust frá Jóni Baldvini á meðan hann var erlendis að störfum sem sendiherra. Hefur Aldís birt vottorð sálfræðings sem segir hana ekki sýna merki geðhvarfasýki.
„Eru íslenskir ríkisborgarar virkilega núorðið varnarlausir frammi fyrir níðrógi og mannorðsmorðum af þessu tagi?“ skrifar Jón Baldvin „Það hlýtur að teljast grafalvarlegt mál, að alvörufjölmiðill – eins og RÚV er ætlað að vera – skuli bera á borð fyrir hlustendur sína falsfréttir af þessu tagi.“
Rekur Jón Baldvin ferlið frá því að Aldís var fyrst nauðungarvistuð árið 1992 og segir það alltaf hafa verið með hennar samþykki fram til ársins 2012. „Sjálfur á ég í fórum mínum eftirfarandi vottorð frá lögreglustjóranum á höfuðborgarsvæðinu, dagsett 5. janúar 2012: „Lögreglan hefur nokkrum sinnum á undanförnum árum haft afskipti af Aldísi Baldvinsdóttur [...] eða sinnt verkefnum vegna hennar. Að gefnu tilefni skal tekið fram, að foreldrar hennar, Bryndís Schram og Jón Baldvin Hannibalsson, hafa aldrei kallað á lögreglu eða beðið lögreglu um aðstoð af neinu tagi hennar vegna. Þetta staðfestist hér með.“ (Undirskrift: Hörður Jóhannesson aðstoðarlögreglustjóri.)“
Loks segir Jón Baldvin að Sigmar hafi ekki spurt réttra spurningar eða fengið svör. „Ef það er satt, sem Sigmar hefur eftir Aldísi í viðtalinu, að hún sé ranglega greind með geðhvarfasýki, ber þá ekki Tryggingastofnun ríkisins, sem að fengnu áliti sérfræðinga Landspítalans hefur skilgreint Aldísi sem „geðfatlaða“, að endurskoða þá málsmeðferð og þar með greiðslu örorkubóta, sem byggðar eru á þessu mati?“
Metoo
Brotaþolinn tekur skellinn
10 mín. lestur
Ósmekklegt bréf frá eiganda sem áreitti hana
12 mín. lestur
Tomasz þvertekur fyrir ásakanir um líkamlegt og kynferðislegt ofbeldi
The victim must be consulted with: „Very few cases where perpetrators actually take responsibility“
Gylfi Þór hættur hjá Everton
Athugasemdir