Þessi grein birtist upphaflega í Stundinni fyrir meira en 6 árum.

Hátt í 800 umsagnir um samgönguáætlun

Hundruð um­sagna þar sem and­stöðu við veg­gjöld er lýst eru því sem næst sam­hljóða. Eiga upp­tök sín af vef­síðu sem Björn Leví Gunn­ars­son út­bjó til að að­stoða fólk við að senda inn um­sagn­ir.

Hátt í 800 umsagnir um samgönguáætlun
Vakti athygli á veggjöldum Björn Leví útbjó síðu til að auðvelda fólki að senda inn umsagnir um veggjöld. Mynd: Pressphotos.biz / Geiri

Ríflega 770 umsagnir bárust umhverfis- og samgöngunefnd Alþingis vegna samgönguáætlunnar fyrir árin 2019-2033. Þar af voru um eða yfir 700 umsagnir sem sneru beint að fyrirhugaðri breytingartillögu við áætlunina, sem inniber upptöku veggjalda. Óljóst er hversu margar umsagnir bárust í heildina þar eð enn á eftir að skrá nokkrar þeirra en umsagnarfresturinn er liðinn.

Björn Leví Gunnarsson, þingmaður Pírata, vakti athygli á því í desember síðastliðnum að til stæði að leggja fram breytingartillögu þar sem opnað væri á möguleikann á upptöku veggjalda. Jón Gunnarsson, þingmaður Sjálfstæðisflokksins, sem tók við formennsku í nefndinni eftir að Bergþór Ólason, þingmaður Miðflokksins, tók sér frí frá þingstörfum í kjölfar Klaustursmálsins, greindi frá því að full samstaða væri milli ríkisstjórnarflokkanna um samþykkt samgönguáætlunnar og upptaka veggjalda væri stórt skref inn í framtíðina. Björn Leví hefur lýst því að hann og Píratar séu hvorki andvígir né fylgjandi upptöku veggjalda en gagnrýni hins vegar þá aðferð sem beita átti við að koma heimild til upptöku þeirra inn í samgönguáætlun rétt fyrir jólafrí, án almennrar umræðu.

Fyrirfram gefinn texti í hundruðum tilvika

Af þessum sökum útbjó Björn Leví vefsíðu þar sem fólki var gert kleift að senda inn umsögn um veggjaldaáætlanir meirihluta umhverfis- og samgöngunefndar, þar sem hægt var að nálgast staðlaðan texta en einnig að breyta eða bæta við. Mikill fjöldi notaði síðu Bjarnar Leví, ef marka má tölfræðiupplýsingar sem hann hefur birt um heimsóknir á síðuna auk annars.

Björn Leví greindi frá því í morgun að hann hefði nú farið yfir 644 umsagnir sem lúta að þeim hluta samgönguáætlunar sem snýr að veggjöldum. Af þeim reyndust 93 prósent andvíg álagningu veggjalda en 7 prósent fylgjandi. Séu umsagnir skoðaðar kemur í ljós að hundruð þeirra eru svohljóðandi, eða því sem næst: „Ég andmæli áformum um álagningu veggjalda eins og þær koma fram í forsendum meirihluta Umhverfis- og samgöngunefndar.“ Um er að ræða fyrirfram gefinn texta sem Björn Leví bauð notendum síðunnar að afrita þegar send væri inn umsögn.

Málið verður til umfjöllunar í nefndinni nú á næstunni og búist er við að nefndin skili tillögu um veggjöld í þessum mánuði. Jón Gunnarsson hefur lýst því að hann reikni með því að frumvarp um veggjöld verði lagt fram í mars næstkomandi.

Kjósa
0
Hvernig finnst þér þessi grein? Skráðu þig inn til að kjósa.

Athugasemdir

Allar athugasemdir eru ábyrgð á þeirra sem þær skrifa. Heimildin áskilur sér rétt til að fjarlægja ærumeiðandi og óviðeigandi athugasemdir.

Mest lesið

Mest lesið

Mest lesið í vikunni

Indriði Þorláksson
2
Pistill

Indriði Þorláksson

Veiði­gjöld, hagn­að­ur og raun­veru­leg af­koma

Sam­tök fyr­ir­tækja í sjáv­ar­út­vegi hafa mót­mælt hækk­un veiði­gjalda með röng­um for­send­um og áróðri. Al­menn­ing­ur styð­ur hins veg­ar að hlut­ur þjóð­ar­inn­ar í arði af fisk­veiðiauð­lind­inni verði auk­inn. Reikn­uð auð­lindar­enta end­ur­spegl­ar raun­veru­lega af­komu bet­ur en bók­halds­leg­ur hagn­að­ur, sem get­ur ver­ið skekkt­ur með reikn­ings­færsl­um og eigna­tengsl­um.

Mest lesið í mánuðinum

Forsprakki útifundar játaði fjárdrátt á leikskólanum Klettaborg
2
Fréttir

Forsprakki úti­fund­ar ját­aði fjár­drátt á leik­skól­an­um Kletta­borg

Sig­fús Að­al­steins­son, stofn­andi hóps­ins Ís­land - þvert á flokka, sem stend­ur fyr­ir úti­fund­um um hæl­is­leit­end­ur, ját­aði á sig fjár­drátt frá leik­skól­an­um Kletta­borg þeg­ar hann var for­stöðu­mað­ur þar. Hann vill ekki dæma hvort brot af því tagi séu nógu al­var­leg til að inn­flytj­end­ur sem gerð­ust sek­ir um þau ætti að senda úr landi.
Drengir kvörtuðu undan kennara og var meinað að sitja kennslustundir
6
Úttekt

Dreng­ir kvört­uðu und­an kenn­ara og var mein­að að sitja kennslu­stund­ir

Tólf ára gaml­ir dreng­ir leit­uðu til skóla­stjóra vegna meints of­beld­is af hálfu kenn­ara. Í kjöl­far­ið var þeim mein­að að sitja kennslu­stund­ir hjá kenn­ar­an­um. Ann­ar baðst af­sök­un­ar eft­ir tvær vik­ur og fékk þá að koma aft­ur í tíma. Hinn sætti út­skúf­un í tvo mán­uði, áð­ur en skól­an­um var gert að taka dreng­inn aft­ur inn í tíma. For­eldr­ar drengs­ins segja kerf­ið hafa brugð­ist barn­inu og leit­uðu að lok­um til lög­reglu.

Mest lesið í mánuðinum

Nýtt efni

Mest lesið undanfarið ár