Icelandair telur ólíklegt að fyrirvarar á kaupum á WOW air verði uppfylltir

Ólík­legt er talið að takast megi að upp­fylla alla fyr­ir­vara á kaupum Icelandair Group á WOW air fyrir hlut­hafa­fund fyrr­nefnda félags­ins á föstu­dag­inn kemur. Þetta kemur fram í til­kynn­ingu frá Icelandair Group. Við­skipti með hluta­bréf í Icelandair voru stöðvuð í Kauphöll Íslands í morgun.

Í til­kynn­ing­unni segir: „Líkt og til­kynnt hefur verið mun Icelandair Group halda hlut­hafa­fund þann 30. nóv­em­ber nk. Á dag­skrá fund­ar­ins er til­laga um að sam­þykkja kaup félags­ins á WOW air hf. Í kaup­samn­ingi eru ýmsir fyr­ir­varar sem þurfa að vera upp­fylltir. Miðað við stöðu máls­ins í dag telur Icelandair Group ólík­legt að allir fyr­ir­varar verði upp­fylltir fyrir þann tíma­punkt.

Áfram verður unnið í mál­inu og við­ræður standa yfir milli samn­ings­að­ila um fram­gang máls­ins.“

Ekki kemur fram hvaða fyr­ir­vara um er að ræða en meðal þeirra var sam­þykki hlut­hafa­fundar. Augljóst er að ekki er um þann fyr­ir­vara að ræða en mögu­lega er um að ræða fyr­ir­vara um nið­ur­stöðu áreið­an­leika­könn­unar á WOW air, en sá fyr­ir­vari var einmitt nefndur sér­stak­lega í til­kynn­ingu um kaupin í byrjun mán­að­ar­ins. 

Fjár­mála­eft­ir­litið gaf í morgun frá sér til­kynn­ingu vegna stöðv­un­ar­innar á við­skipt­unum. Þar segir að að eft­ir­litið hafi ákveðið að stöðva tíma­bundið við­skipti með fjár­mál­gern­inga Icelandair Group í Kaup­höll­inni. Hafi ákvörð­unin verið tekin til að vernda jafn­ræði fjár­festa.