V

 iðskipti með bréf í Icelandair Group í Kauphöll Íslands hafa verið stöðvuð. Það var gert í morgun að beiðni Fjármálaeftirlitsins. Gengi bréfa í félaginu hafði hækkað eilítið í morgun, eða um 1,88 prósent í 25 milljóna króna viðskiptum. Úrvalsvísitala Kauphallarinnar hefur hins vegar lækkað skarpt síðan tilkynnt var að viðskiptin yrðu stöðvuð.

Tilkynning um stöðvun viðskipta var gefin út klukkan 10:21 í morgun. Samkvæmt upplýsingum frá Icelandair er von á frekari upplýsingum síðar í dag vegna málsins.

Tilkynnt var 5. nóvember síðastliðinn að Icelandair Group hefði gert kaupsamningum kaup á WOW air. Við þá tilkynningu hækkuðu  bréf í félaginu um tugi prósenta áður en viðskipti með þau voru stöðvuðu. Hlutahafafundur í Icelandair hefur verið boðaður næstkomandi föstudag vegna þeirra kaupa. Þau kaup eru nú til skoðunar hjá Samkeppniseftirlitinu.

 Greint var frá því fyrir helgi að Loftleiðir Icelandic, dótturfélag Icelandair Group, hefði keypt ríflega helmingshlut í ríkisflugfélagi Grænhöfðaeyja, Cabo Verde Airlines. Ekki er vitað hvort stöðvunin nú hefur eitthvað með þau viðskipti, eða mögulega eitthvað með kaup Icelandair á WOW air, að gera.