Útgáfutónleikar Teits Magnússonar

Hvar? Iðnó
Hvenær? 12. októ­ber kl. 20.00
Aðgangs­eyrir: 2.990 kr.

Útgáfu nýju plötu skegg­prúða þjóð­laga­töfra­manns­ins Teits Magn­ús­sonar, „Orna“, er fagnað í Iðnó. Þetta er önnur einka­plata hans í fullri lengd og hefur nú þegar hlotið góðar við­tökur hjá Rás 2 og Morg­un­blað­inu, en Teitur var lengi vel leið­andi afl í reggí-hljóm­sveit­inni Ojba Rasta. Ingi­björg Turchi hitar upp og Kraft­galli heldur fjör­inu gang­andi fram í nótt­ina.

Hundred Year Old Man, A-Sun Amissa, Celestine, Morpholith

Hvar? Húrra
Hvenær? 12. októ­ber kl. 21.00
Aðgangs­eyrir: 1.000 kr.

Hin drunga­lega breska síð-málms­hljóm­sveit Hundred Year Old Man leggur land undir fót með ein­samals sveit­inni og sam­landa sínum A-Sun Amissa. Í þess­ari rokk- og málm­veislu stíga líka íslensku stóner-rokk­ar­arnir í Morp­holith og síð-pönk­ar­arnir í Celestine á svið. Aðrir tón­leikar með bresku hljóm­sveit­unum eru haldnir degi síðar á R6013.

Hrekkjavökusýning Drag-Súgs

Hvar? Gauk­ur­inn
Hvenær? 12. októ­ber kl. 21.00
Aðgangs­eyrir: 2.500 kr.

Dragdrottn­ing­arnar (og kon­ung­arnir) í kab­ar­ett­hópnum Drag-Súgur fagna hrekkja­vöku snemma með sér­stakri sýn­ingu fullri af glamúr og blóði. Búast má við gríni og glensi, metn­að­ar­fullum til­þrifum sem RPDR mætti taka sér til fyr­ir­myndar. Ekki sitja fram­ar­lega ef þú ert hræddur við skvettur og vessa.

Suð og Svart og hvítt

Hvar? Hafn­ar­húsið
Hvenær? 13. októ­ber kl. 15.00
Aðgangs­eyrir: 1.650 kr.

Suð eftir Maríu Dalberg og Svart og hvítt eftir Erró opna sam­dæg­urs í Hafn­ar­húsi. María hefur unnið með víd­eóinn­setn­ingar, hljóð, gjörn­inga, ljós­myndir, teikn­ingar og texta­skrif, en til­raunir með efni og efn­is­kennd er stór þáttur í list­sköpun hennar. Sýning Errós er sam­an­safn af 30 nýjum og nýlegum svart­hvítum verkum úr vinnu­stofu hans í París.

Ég heiti Guðrún

Hvar? Þjóð­leik­húsið
Hvenær? 13.–28. októ­ber kl. 19.00 
Aðgangs­eyrir: 6.200 kr.

Ég heiti Guðrún er tragikó­medía um inni­lega vin­áttu fjög­urra kvenna. Þegar Guðrún er greind með Alzheimers 55 ára gömul ákveða vin­kon­urnar að styðja hana allt til hinstu stundar. Sjúk­dómur Guðrúnar fær þær allar til að velta fyrir sér líf­inu sem þær hafa lifað og ákvörð­unum sem þær hafa tekið.

The Craft föstudagspartísýning

Hvar? Bíó Paradís
Hvenær? 19. októ­ber kl. 20.00
Aðgangs­eyrir: 1.600 kr.

Klass­íska költ-kvik­myndin „The Craft“ frá 1996 fjallar um fjórar tán­ings­nornir í hefð­bundnum kaþ­ólskum skóla sem nota galdra­mátt sinn til að hafa stjórn á lífi sínu í upp­reisn sinni gegn hefð­bundnum gildum feðra­veld­is­ins og þeim karl­mönnum sem mis­nota for­rétt­inda­stöðu sína í krafti þess.

Yann Leguay, Tom Manoury

Hvar? Mengi
Hvenær? 18. októ­ber kl. 21.00
Aðgangs­eyrir: 2.000 kr.

Á þessum tón­leikum flytja tveir nýstár­legir raf­tón­list­ar­menn verk sín sem nálg­ast óhefð­bundna tón­smíði frá mis­mun­andi áttum. Yann Leguay not­ast við tölvu­drif sem hljóð­gjafa og breytir í óhefð­bundin hljóð­færi. Tom Manoury flytur lif­andi tón­list sem er unnin á raun­tíma í gegnum gagn­virk raf­einda­hljóð­færi sem Manoury hefur verið að þróa í mörg ár.

DoPPler

Mynd: Knut Åserud

Hvar? Norræna húsið
Hvenær? 20. októ­ber kl. 20.00
Aðgangs­eyrir: 2.000 kr.

Þessi óhefð­bundna dans­sýn­ing er bæði til­gerð­ar­laus og fjörug og gengur út á að skoða hug kvenna og karla. Hún lýsir hug­ar­á­standi sem ýmist getur verið óút­reikn­an­legt, ofbeld­is­fullt, ást­ríkt, bit­urt og umhyggju­samt og haft bæði góðar og slæmar afleið­ingar í för með sér. Áhorf­endur sitja í miðju rým­inu og fá þannig dans­inn og tón­list­ina beint í æð.