Hvergi í höf­uð­borgum Norð­ur­land­anna er jafn hátt leigu­verð og í Reykja­vík. Tveggja her­bergja íbúð mið­svæðis í Reykja­vík leig­ist á um 190.000 kr. á mán­uði að með­al­tali. Þetta kemur fram í nýrri grein­ingu frá Leigu­mark­aðs­deild Íbúða­lána­sjóðs.

Í grein­ing­unni kemur einnig fram að þrátt fyrir hátt leigu­verð sé hús­næð­is­verð í Reykja­vík lægra í hlut­falli við tekjur en í flestum höf­uð­borgum Norð­ur­land­anna. „Hlut­falls­lega lágt hús­næð­is­verð á móti háu leigu­verði gerir það að verkum að hag­stæð­ara er fyrir fólk að kaupa,“ segir í til­kynn­ingu Íbúða­lána­sjóðs. „Á móti þessu kemur að hátt leigu­verð gerir leigj­endum erf­ið­ara fyrir að safna sér upp í þá útborgun sem þarf fyrir íbúð.“

Þá kemur fram í grein­ing­unni að hátt leigu­verð en hlut­falls­lega lágt hús­næð­is­verð kunni að vera skýr­ingin á háu hlut­falli ungs fólks í for­eldra­húsum. Hvergi á Norð­ur­lönd­unum sé hlut­fallið jafn hátt og hér á landi. „Um 14% fólks á aldr­inum 25-34 ára hér á landi býr í for­eldra­húsum á meðan hlut­fallið er innan við 6% víð­ast hvar ann­ars staðar á Norð­ur­lönd­unum,“ segir í til­kynn­ing­unni.