Aðilar sem segj­ast vera hluti af Norrænu mót­stöðu­hreyf­ing­unni, sam­nor­rænu banda­lagi nýnas­ista, hafa dreift vegg­spjöldum og lím­miðum á skilti og raf­magns­kassa í Hlíða­hverfi í Reykja­vík. Vilja sam­tökin með þessu mót­mæla hæl­is­leit­endum.

Á vef­síðu aðil­anna, sem kalla sig Norð­ur­vígi, er sagt að sam­tökin aðhyllist „þjóð­ernis félags­hyggju“ og að meg­in­verk­efni þeirra um þessar mundir sé að „miðla áróðri til fólks­ins“. Hvergi á heima­síðu sam­tak­anna er þess getið hverjir eru í for­svari. Vefurinn er skráður hjá félagi sem ber nafnið IceNetworks ltd. og er skráð í Mið-Amer­íku­land­inu Belís.

Límmiðar og vegg­spjöld af þessum toga brjóta gegn 8. grein lög­reglu­sam­þykktar Reykja­vík­ur­borgar. „Á mann­virki og hluti má ekki mála, teikna eða festa aug­lýs­ingar nema með leyfi eig­anda eða umráða­manns,“ segir í sam­þykkt­inni.

Vilja varðveita norrænt fólk „eins og það er í dag“

Finnskur dóm­stóll hefur bannað hreyf­ing­una í Finn­landi vegna hvatn­ingu til ofbeldis og hat­urs­orð­ræðu, en hún starfar enn á öðrum Norð­ur­löndum. Þrír menn tengdir sam­tök­unum í Svíþjóð voru dæmdir í fang­elsi í fyrra fyrir sprengju­árás í Gauta­borg. Samtökin vilja mynda nýtt sam­einað ríki Norð­ur­land­anna, stofna sam­nor­rænan her og „taka völdin af alþjóð­legum Síon­istum“.

„Andstaða okkar gegn inn­flutn­ingi fólks er aðal­lega byggð á kyn­þátta­stefnu þar sem við óskum eftir að fá að varð­veita okkar fólk,“ segir á síð­unni. „Markmið okkar er ekki fyrst og fremst að skapa alger­lega hreinan Norrænan [sic] kyn­þátt/kyn­stofn, heldur að varð­veita Norrænt fólk eins og það er í dag, þar sem að Norræn kyn­þátta­gerð er ráð­andi þáttur í Norræna erfða­meng­inu.“

Óvirk hópfjármögnun á „Hatreon“

Á vef­síðu aðil­anna er fjallað um að á Íslandi hafi verið minna um inn­flytj­endur en á öðrum Norð­ur­löndum. „Það þýðir samt ekki að Ísland hafi sloppið frá vanda­málum sem tengj­ast gölnum stefnum síónista sem eyða kröftum sínum í að valda alheims eyði­legg­ingu og sund­ur­lyndi í gegnum stór eign­ar­haldi á seðla­bönkum heims, fjöl­miðlum, skemmt­ana­iðn­að­inum, mennta­stofn­unum og með vopna­valdi,“ stendur á síð­unni.

Á síð­unni er vísað sér­stak­lega til frétta­flutn­ings Vísis af því að lög­regla hafi verið kölluð að húsi í Stiga­hlíð þar sem hæl­is­leit­endur eru til húsa á vegum Reykja­vík­ur­borgar. „Við teljum að öll norð­ur­löndin [sic] eigi að standa saman og sam­ein­ast og stofna eitt sterkt ríki til fram­búðar, að þau eigi að standa saman gegn vá fjöl­menn­ing­ar­hyggj­unnar, inn­rás hæl­is­leit­enda og yfir­gangi stjórn­valda gegn sínum eigin þegnum,“ segir á vef­síð­unni.

Áróður nýnas­istaSamkvæmt lög­reglu­sam­þykkt er óheim­ilt að líma á götu­skilti.

Samtökin reka hóp­fjár­mögn­un­ar­síðu á vefnum Hatreon.net, sem er ein algeng­asta fjár­mögn­un­ar­leið nýnas­ista á heims­vísu. Hatreon hefur verið óvirk frá því í febr­úar og því ekki lengur hægt að safna pen­ing með þeirri aðferð.

„Það sem við miðum að þetta ár 2018 þá skulum við opna okkur meira og vera svo loks sjá­an­legir meðal almenn­ings,“ segir á síðu sam­tak­anna.