Björn Leví Gunn­ars­son, þing­maður Pírata, hefur óskað eftir upp­lýs­ingum frá heil­brigð­is­ráð­herra um hve margir hafa leitað til læknis und­an­farin fimm ár vegna áverka eftir hund. 

Mynd: Píratar

Í fyr­ir­spurn Björns Levís er spurt hvaða verk­ferlar gilda þegar ein­stak­lingur leitar til læknis með áverka eftir hund, hvaða upp­lýs­inga er aflað um máls­at­vik og hvort áverk­arnir séu flokk­aðir eftir alvar­leika. 

Nýlega var greint frá því að barn hefði verið flutt á sjúkra­hús eftir árás hunds af teg­und­inni Alaska Malamu­te. Alls voru 80 spor saumuð í and­lit barns­ins, en talið er að hjálmur hafi bjargað lífi þess.

Fyr­ir­spurnir Björns Levís hafa vakið tals­verða athygli, en hann átti lyk­il­þátt í að kreista fram upp­lýs­ingar um akst­urs­greiðslur og sporslur þing­manna fyrr á árinu.

Bjarni Bene­dikts­son fjár­mála­ráð­herra og fleiri Sjálf­stæð­is­menn hafa gagn­rýnt Björn á þeim grund­velli að það sé kostn­að­ar­samt og tíma­frekt fyrir  fram­kvæmda­valdið að taka saman þær upp­lýs­ingar sem hann óskar eftir. 

Hér má sjá yfir­lit yfir þær fyr­ir­spurnir sem Björn hefur lagt fram.