Efling krefst þess að greiddar verði afturvirkar launahækkanir

Stétt­ar­fé­lagið Efling krefst þess að félags­menn sínir, sem starfi á hjúkr­un­ar­heim­ilum, fái þegar í stað greiddar aft­ur­virkar hækk­anir á launum sínum. Samið hafi verið um slíkar hækk­anir í sept­em­ber á síð­asta ári en þær hafi enn ekki komið til fram­kvæmda.

Í til­kynn­ingu frá Eflingu er lýst áhyggjum af þeim töfum sem hafi orðið á fram­kvæmd launa­þró­un­ar­trygg­ingar af hálfu aðild­ar­fé­laga Samtaka fyr­ir­tækja í vel­ferð­ar­þjón­ustu. Samið hafi verið um aft­ur­virkar launa­hækk­anir 21. sept­em­ber á síð­asta ári milli ASÍ, rík­is­ins og Reykja­vík­ur­borgar. Undir þann samn­ing falli meðal ann­ars stofn­anir sem starfi á grund­velli þjón­ustu­samn­inga við Sjúkra­trygg­ingar Íslands.

Hins vegar hafi þessar launa­hækk­anir ekki komið til fram­kvæmda hjá hjúkr­un­ar­heim­ilum og öðrum fyr­ir­tækjum innan Samtaka fyr­ir­tækja í vel­ferð­ar­þjón­ustu. Það sé brot á sam­komu­lag­inu sem gert var og séu í ofaná­lag ósann­gjarnar gagn­vart félags­mönnum Eflingar. Bent er á að starfs­fólk á vegum rík­is­ins, þar með taldir starfs­menn Land­spít­al­ans, hafi fengið þessar greiðslur fyrir tveimur mán­uðum.

„Efling kallar eftir því að van­goldnar aft­ur­virkar hækk­anir og önnur laun sem félags­menn eiga ský­lausan rétt á verði greidd þegar í stað og starfs­fólk þeirra fyr­ir­tækja sem um ræðir ekki látið bíða stund­inni lengur,“ segir í frétta­til­kynn­ingu sem nýr for­maður Eflingar, Sólveig Anna Jóns­dóttir, und­ir­ritar.