Nið­ur­stöður nýrrar alþjóð­legrar rann­sóknar benda til þess að stofn­frumu­með­ferðir geti fært sjúk­lingum sem glíma við MS-sjúk­dóm­inn veru­legan bata. Með­ferð­irnar geti dregið mjög úr ein­kennum sjúk­dóms­ins og unnið gegn honum. Læknar sem hafa unnið að rann­sókn­inni segja hana algjöra bylt­ingu.

Greint er frá þessu í frétt á vef breska rík­is­út­varps­ins, BBC. Aðferðin sem um ræðir felur í sér að ónæm­is­kerfi sjúk­ling­anna er þurrkað út með krabba­meinslyfjum. Að því loknu er ónæm­is­kerfið end­ur­nýjað með nýjum stofn­frumum úr sjúk­ling­unum sjálfum. Ríflega eitt­hund­rað manns með MS-sjúk­dóm­inn tóku þátt í rann­sókn­inni sem fór fram á sjúkra­húsum í Chicago, Sheffi­eld, Uppsala og í Sao Paulo.

Mjög góður árangur

Sjúk­ling­arnir fengu ýmist með­ferð sem fólst í lyfja­gjöf gegn sjúk­dómnum eða stofn­frum­með­ferð. Eftir árs­með­ferð hafði aðeins einn sjúk­lingur úr hópi þeira 52 sem fóru í stofn­frum­með­ferð­ina fengið MS-kast, borið saman við 39 af þeim 50 sem höfðu fengið lyfja­með­ferð. Á þriggja ára tíma­bili eftir með­ferð­ina kom síðan í ljós að þrír sjúk­lingar sem gengið höfðu í gegnum stofn­frum­með­ferð­ina höfðu upp­lifað MS-köst en 30 af þeim 50 sem höfðu fengið lyfja­með­ferð, 6 pró­sent borið saman við 60 pró­sent. Sjúk­ling­arnir sem höfðu fengið stofn­frumu­skipti upp­lifðu þá minnk­andi ein­kenni sjúk­dóms­ins á meðan að ein­kenni versnuðu hjá þeim sem höfðu fengið lyfja­gjöf.

„Það hafa orðið heil­miklar fram­farir þegar kemur að MS-sjúk­dómnum, bæði hvað varðar grein­ingar og eft­ir­lit en einnig varð­andi með­ferð“

Íslenskur taugalæknir segir um gleðifrétt að ræða

Haukur Hjalta­son, dós­ent við lækna­deild og tauga­læknir á Land­spít­ala, segir að þekkt sé að stofn­frumu­með­ferð af þessu tagi, þar sem sjúk­lingar fá eigin stofn­frumur, hafi verið beitt í völdum til­vikum í all­nokkur ár. Árangur hafi verið mis­mun­andi en þó batn­andi eftir því sem liðið hefur á og í sumum til­fellum býsna góðum, eins og í til­felli rann­sókn­ar­innar sem hér er fjallað um. Hann veit ekki til þess að neinn íslenskur sjúk­lingur hafi farið í slíka með­ferð en það sé fagn­að­ar­efni hversu jákvæð útkoma virð­ist vera af þessum til­raunum. „Það hafa orðið heil­miklar fram­farir þegar kemur að MS-sjúk­dómnum, bæði hvað varðar grein­ingar og eft­ir­lit en einnig varð­andi með­ferð. Tekist hefur að halda ein­kennum sjúk­dóms­ins vel niðri með með­ferðum sem nú er verið að nota. Þessi stofn­frumu­með­ferð virð­ist svo vera mjög kröftug og ég hef ekki séð betri tölur um árangur heldur en er vísað til í þessri frétt. Hingað til hefur stofn­frum­með­ferð þó verið beitt á valda sjúk­linga, þettta er ekki alveg hættu­laus með­ferð þó að hættan sé, að mér skilst, ekki mikil. Það er mis­mun­andi eftir því hversu mikil ein­kenni sjúk­dóms­ins eru hvort að þessi með­ferð henti sjúk­lingum. Það er hins vegar gleði­frétt, þegar kemur fram með­ferð sem virð­ist skila svo góðum árangri sem þessi.“