Myndlistarkonan Jónína Magnúsdóttir, eða Ninný, málar ævintýralegar myndir. Hún eldar líka gómsæta og ævintýralega rétti og prófar sig áfram og breytir þeim jafnvel að sínum smekk. Og auðvitað ber hún þá fram eins og listamanni sæmir. 

1. Gæsa- og andalifur

Ninný segir að þegar hún fari út að borða þá panti hún oft gæsa- eða andalifur í forrétt sem sé í miklu uppáhaldi.

„Ég var í fyrrasumar í Búdapest í Ungverjalandi og keypti nokkrar dósir sem ég kom með heim. Ég hef síðan gert mína eigin uppskrift úr þessari vöru og er hún einungis borin fram við hátíðleg tækifæri, til dæmis á jólum og ef ég ætla að koma elskunni minni á óvart eins og á síðasta bóndadag. Okkur finnst við hreinlega heyra englana syngja þegar við gæðum okkur á þessum dýrindis rétti með góðu rauðvíni.

Byrjað er á að ná lifrinni úr dósinni, oft þarf að láta renna heitt …