„Ég hef þroskast mikið á síðustu tíu árum, bæði í sambandi við lífið og dauðann. Eftir að hafa misst marga mér nákomna og gengið í gegnum skilnað og annan missi fann ég að það var kominn tími á breytingar. Ég vildi einfalda líf mitt því lífið er ekki endalaust og ég vil njóta þess á meðan það er,“ segir Jóhann Jónsson á Akureyri, sem tók þá ákvörðun fyrir stuttu að taka upp mínimalískan lífsstíl.

Draslasafnari á kafi í lífsgæðakapphlaupi

Jóhann segist alltaf hafa verið mikill draslasafnari sem hafi ávallt verið á kafi í lífsgæðakapphlaupinu. Þessa dagana er hann hins vegar að losa sig við sem mest af eigum sínum, borga upp bankaskuldir og gera upp bústað sem hann hefur flutt upp í bakka Hlíðarfjalls þar sem hann á lítið land. „Það getur verið erfitt að losa sig við sumt af dótinu en þetta er aðallega spurning um að taka til …