Viðar spurði Áslaugu hvort hún vildi „hlýða“ og vera „undir“ sér – „Oj,“ svaraði hún

Viðar Guðjohn­sen, fram­bjóð­andi í leið­toga­próf­kjöri Sjálf­stæð­is­flokks­ins í Reykja­vík, spurði Áslaugu Frið­riks­dóttur, annan fram­bjóð­anda, hvort hún ætl­aði að „hlýða“ honum og „vera undir“ honum ef hann færi með sigur af hólmi í próf­kjör­inu á fundi í Valhöll í gær­kvöldi.

Viðar lét mikið að sér kveða á fund­inum sem var á vegum Heimdallar, félags ungra Sjálf­stæð­is­manna í Reykja­vík. 

Viðar hefur talað fyrir því að úti­gangs­menn og fíkni­efna­neyt­endur, einkum erlendir úti­gangs­menn, séu látnir mæta örlögum sínum án þess að fá hjálp, enda glími Íslend­ingar við mann­fjölg­un­ar­vanda­mál. 

Þá hefur hann talað fyrir varð­stöðu um „lífs­rými“ Íslend­inga, en orðið lífs­rými sam­svarar þýska hug­tak­inu Leb­ens­raum sem skipar veiga­mik­inn sess í orð­ræðu og hug­mynda­fræði nas­ista.

„Ætlar þú að hlýða mér, ef ég
verð for­ystu­mað­ur­inn og vera
undir mér og hlýða mér?“

Á fund­inum í gær var Viðar spurður hvort hann sæi fyrir sér, ef hann ynni leið­toga­kjörið, að geta átt gott sam­starf við sam­herja sína. 

Viðar brást við með því að varpa spurn­ing­unni til Áslaugar Maríu Frið­riks­dóttur, mót­fram­bjóð­anda síns og eina kven­kyns fram­bjóð­and­ans í leið­toga­próf­kjör­inu. „Ætlar þú að hlýða mér, ef ég verð for­ystu­mað­ur­inn og vera undir mér og hlýða mér?“ spurði Viðar og hall­aði sér upp að Áslaugu. Hún brást við með orð­inu „oj“ og hristi höf­uðið.