Líf Magneu­dóttir og Elín Oddný Sig­urð­ar­dóttir, fram­bjóð­endur í 1. og 2. sæti á fram­boðs­lista Vinstri grænna í Reykja­vík, vilja ekki tjá sig um rík­is­stjórn­ar­sam­starf flokks­ins við Sjálf­stæð­is­flokk­inn og Fram­sókn­ar­flokk­inn né um þá fram­tíð­ar­sýn sem birt­ist í fjár­mála­á­ætlun rík­is­stjórn­ar­innar. Þær bregð­ast ekki við fyr­ir­spurn Stund­ar­innar um málið og hafa ekki svarað spurn­ingum um afstöðu þeirra til stjórn­ar­sam­starfs­ins á sam­fé­lags­miðlum.

Umræður sköp­uð­ust um málið á Facebook-síðu Davíðs Stef­áns­sonar, fyrr­ver­andi vara­þing­manns, í síð­ustu viku. Þar beindi hann eft­ir­far­andi spurn­ingum til efstu fram­bjóð­enda og „tagg­aði“ þá svo þeim yrði gert við­vart um erindið: „Situr þú í flokks­ráði sem sam­þykkti núver­andi rík­is­stjórn­ar­sam­starf? (Ef já) Kaustu með eða á móti? Styður þú núver­andi rík­is­stjórn­ar­sam­starf?“

Þor­steinn V. Ein­ars­son„Ég styð Kötu og Svandísi og Rósu og Andrés Inga,“ skrifar hann.

Einungis Þor­steinn V. Ein­ars­son, þriðji maður á fram­boðs­list­anum, svar­aði spurn­ingum Davíðs. „Ég er ekki í flokks­ráði og þurfti því ekki að taka afstöðu á sínum tíma. Ég styð Kötu og Svandísi og Rósu og Andrés Inga. Ég styð þátt­töku í rík­is­stjórn og fyllist oft stolti af því sem ráð­herrar VG eru að gera. Hins vegar við­ur­kenni ég fús­lega að ég væri svo mjög til í að þurfa ekki að vinna með Sjálf­stæð­is­flokknum,“ skrif­aði hann. „Hvað varðar svo borg­ina þá er eng­inn flokkur með öll þau gildi sem sam­ræm­ast betur minni póli­tísku sann­fær­ingu en Vinstri græn. Svo ekki sé talað um fólkið. Og það er af þeim ástæðum, gild­unum og fólk­inu, sem ég vil starfa innan VG og von­ast til að fá tæki­færi til þess í borg­ar­stjórn eftir kosn­ingar.“

Stundin sendi hinum fram­bjóð­end­unum fyr­ir­spurn um málið á mánu­dag og ítrek­aði í gær. Líf og Elín brugð­ust ekki við erind­inu.

Í kosn­inga­bar­átt­unni fyrir síð­ustu þing­kosn­ingar hvatti Líf til þess að Sjálf­stæð­is­flokknum yrði haldið frá völdum. „Gefum íhald­inu frí, langt frí,“ skrif­aði hún á Facebook. Eftir að VG mynd­aði rík­is­stjórn með Sjálf­stæð­is­flokknum við­ur­kenndi Líf að hafa verið full yfir­lýs­ingaglöð. „Ég hefði viljað að hér hefði verið mynduð vinstri­st­jórn, og í ljósi alls sem á undan var gengið hvarfl­aði ekki að mér annað en að vinstri­flokk­arnir myndu fá afger­andi umboð kjós­enda til að mynda slíka stjórn. Það fékkst ekki og nið­ur­stöður kosn­ing­anna urðu aðrar en ég og aðrir félagar VG hefðum viljað,“ skrif­aði hún í aðdrag­anda flokks­ráðs­fundar VG þar sem stjórn­ar­sátt­máli rík­is­stjórn­ar­innar var sam­þykktur. „Þó sú rík­is­stjórn sem er í burð­ar­liðnum sé ekki sú rík­is­stjórn sem ég hefði kosið þá er hún nið­ur­staða kosn­ing­anna og það er ekki úti­lokað að hún geti komið góðum verkum til leiðar. Ég vona það að minnsta kosti.“