Sinfóníuhljómsveitin neitar að opinbera styrktarsamning sinn við GAMMA

Sin­fón­íu­hljóm­sveit Íslands, stofnun í eigu rík­is­ins og Reykja­vík­ur­borgar sem rekin er á fjár­lögum, neitar að afn­henda Stund­inni styrkt­ar­samn­ing sem hljóm­sveitin gerði við sjóðs­stýr­ing­ar­fyr­ir­tækið GAMMA árið 2016. Sá samn­ingur var gerður þegar fyrri samn­ingur frá 2012 rann úr gildi. 

Samn­ing­ur­inn felur það í sér að GAMMA styrkir Sin­fón­íu­hljóm­sveit­ina um 90 millj­ónir króna á árunum 2016 til 2020 eða um 22,5 millj­ónir á ári. Þessi upp­hæð nemur rétt tæp­lega 2,2 pró­sentum af þeirri upp­hæð sem Sin­fón­íu­hljóm­sveit Íslands fær á fjár­lögum frá íslenska rík­inu en árið 2018 nemur hún 1039,2 millj­ónum króna. Áætlaðar rekstr­ar­tekjur Sin­fón­í­unnar, umfram rík­is­fram­lagið, nema 442,1 milljón króna og er 22,5 millj­óna króna styrk­ur­inn frá GAMMA rúm­lega 5 pró­sent af þeirri upp­hæð.   

Mælir fyrir einkavæðingu og kaupir íbúðir

GAMMA er eigna­stýr­ingar- og fjár­mála­fyr­ir­tæki sem rekur meira en 30 sjóði sem fjár­festa í alls kyns verk­efnum á Íslandi, allt frá íbúð­ar­hús­næði til orku­verk­efna og verk­efna í ferð­manna­iðn­aði. Fyr­ir­tækið er með um 115 millj­arða króna í stýr­ingu og er ógern­ingur að sjá hvaða aðilar standa á bak við fjár­fest­ing­arnar í ein­staka sjóðum. Fyr­ir­tækið hefur talað fyrir mik­il­vægi auk­innar einka­væð­ingar í íslensku sam­fé­lagi og sagði meðal ann­ars „lógískt“ að selja bæði Lands­virkjun og Orku­veit­una í skýrslu sem það gaf út í nóv­em­ber árið 2016. 

GAMMA hefur auk þess verið gagn­rýnt í gegnum árin vegna stór­felldra upp­kaupa á íbúð­ar­hús­næði sem félagið fram­leigir svo áfram til almenn­ings í gegnum  leigu­fé­lög. Sjóðir GAMMA eiga nú ym 1500 íbúðir á suð­vest­ur­horn­inu og heldur fyr­ir­tækið áfram upp­kaupum á íbúð­ar­hús­næði. 

GAMMA og Sin­fón­íanAug­lýs­ing sem sýnir hvernig GAMMA notar nafn Sin­fón­íu­hljóm­sveit­ar­innar í mark­aðs­setn­ingu sinni.

Nota nafn Sinfóníunnar í markaðssetningu

Fyrir þennan styrk getur GAMMA tengt nafn sitt við Sin­fón­íu­hljóm­sveit­ina, þessa mik­ils metnu, virtu og óum­deildu rík­is­stofnun, og notað þessi tengsl í mark­aðs­setn­ingu sinni. Til að mynda má nefna að á brott­farar- og komu­gang­inum í Flugstöð Leifs Eiríks­sonar er aug­lýs­ing frá GAMMA með mynd af tón­list­ar­mönnum í Sin­fón­íu­hljóm­sveit Íslands, aug­lýs­ing frá GAMMA með Sin­fón­íu­hljóm­sveit­inni var sýnd fyrir Ára­mótaskaupið á gamlárs­kvöld og á heima­síðu GAMMA er sér­stök umfjöllun um Sin­fón­íu­hljóm­sveit Íslands með mynd­bandi um hljóm­sveit­ina sem er merkt GAMMA. Víða tengir GAMMA nafn sitt því við Sin­fón­íu­hljóm­sveit Íslands.